குக் வித் கோமாளி 3க்கு போவீங்களா? சனம் ஷெட்டி சொன்ன பதில்

நடிகை சனம் ஷெட்டி பல்வேறு சர்ச்சைகளில் இதற்கு முன்பு சிக்கி இருக்கிறார். பிக் பாஸ் தர்ஷன் உடன் நிச்சயதார்த்தம் ஆகி பிரிந்தது, அதன் பின் அவரை போலீசில் புகார் கொடுத்தது என அவர் பெயர் எப்போதும் லைம்லைட்டில் இருந்து வந்தது. அதன் பின்பு தான் பிக் பாஸ் நான்காம் சீசனில் போட்டியாளராக கலந்துகொள்ளும் வாய்ப்பு அவருக்கு கிடைத்தது.

ஆரம்பத்தில் பிக் பாசில் அவர் ட்ரோல்களை சந்தித்தாலும் போகப்போக அவருக்கு ரசிகர்களுக்கும் அதிகம் கிடைத்தார்கள். குறிப்பாக பாலாஜி முருகதாஸ் உடன் தைரியமாக எதிர்த்து நின்று சண்டை போட்டது அதிகம் பேசப்பட்டது.

சனம் ஷெட்டி தற்போது சமூக வலைத்தளங்களில் ஆக்டிவாக இருந்து வருகிறார். அவர் சமீபத்தில் ரசிகர்கள் உடன் ட்விட்டரில் உரையாடினார். அப்போது அவர் ரசிகர்களின் பல்வேறு கேள்விகளுக்கு பதில்அளித்தார்.

குக் வித் கோமாளி 3க்கு செல்வீர்களா என ரசிகர் ஒருவர் கேட்டதற்கு 'Why not' என பதில் கூறி இருக்கிறார். அதனால் வாய்ப்பு வந்தால் அவர் நிச்சயம் குக்கு வித் கோமாளி வருவார் என தெரிகிறது.

குக் வித் கோமாளி அடுத்த சீசன் அக்டோபர் அல்லது நவம்பர் மாதம் தொடங்கும் என கூறப்படுகிறது. அதில் சனம் போட்டியாளராக வருவாரா என்பதை பொறுத்திருந்து பார்க்கலாம்.