சித்தி 2 சீரியல் கெஸ்ட் ரோலில் மாஸ்டர் பட நடிகர்! யார் தெரியுமா?

ராதிகாவின் சித்தி 2 சீரியல் நல்ல வரவேற்பை பெற்று ஓடிக்கொண்டிருக்கிறது. தற்போது சில சீரியல்களை ஒன்றிணைத்து சங்கமம் என்கிற பெயரில் சில நாட்களுக்கு ஒளிபரப்பும் ட்ரெண்ட் சில தொலைக்காட்சிகளில் அதிகரித்து வருகிறது.

அதன் படி சித்தி 2 சீரியல் மற்றும் திருமகள் ஆகிய சீரியல்கள் இணைத்து மகா சங்கமம் என்கிற பெயரில் தற்போது ஒளிபரப்பாகி வருகிறது.

இந்நிலையில் சித்தி 2 சீரியலில் கெஸ்ட் ரோலில் நடிகர் சஞ்சீவ் வெங்கட் நடித்திருக்கிறார். அவர் சமீபத்தில் திரைக்கு வந்த விஜய்யின் மாஸ்டர் படத்தில் விஜய்க்கு நண்பராக நடித்து இருந்தார் என்பது குறிப்பிடத்தக்கது. ஒரு சில காட்சிகளில் மட்டுமே வரும் அவர் நிஜ வாழ்க்கையிலும் விஜய்யின் நெருங்கிய நண்பர் தான்.

சித்தி 2 சீரியலில் சஞ்சீவ் கெஸ்ட் ரோலில் நடித்துள்ள நிலையில் அவரது எபிசோடுகள் தற்போது ஒளிபரப்பாக தொடங்கி இருக்கிறது. அது பற்றி ட்விட்டரில் சஞ்சீவ் மிகவும் மகிழ்ச்சியுடன் பதிவிட்டு இருக்கிறார். "என்னுடைய favorite அக்கா உடனே மீண்டும் இணைத்திருக்கிறேன். சித்தி 2 இன்று இரவு முதல்" என அவர் குறிப்பிட்டுள்ளார்.

அவருக்கு பாராட்டுகள் குவிந்த நிலையில் 'உங்கள் அன்புக்கு நன்றி. உங்களது கருத்துக்களை சொல்லுங்கள்" என்று கேட்டிருக்கிறார் அவர்.