குக் வித் கோமாளி புகழுக்கு இன்ப அதிர்ச்சி கொடுத்த சந்தானம்! ஷூட்டிங் ஸ்பாட்டில் கொடுத்த கிப்ட்

குக் வித் கோமாளி புகழுக்கு சமீப காலத்தில் அதிக அளவு திரைப்பட வாய்ப்புகளும் வந்து குவிந்திருந்தது. சின்னத்திரையில் இருந்து வெள்ளித்திரைக்கு சென்ற நடிகர்களின் லிஸ்டில் சமீபத்தில் இணைந்திருப்பது புகழ் தான்.

அவர் அஜித்தின் வலிமை, விஜய்யின் தளபதி ஆகிய படங்களில் நடிக்க இருக்கிறார் என தகவல் முன்பே வெளிவந்தது குறிப்பிடத்தக்கது.

புகழ் ஆரம்பகாலத்தில் டிரைவர் ஆக பணியாற்றி இருக்கிறார், அதன் பின் கார் வாஷ் செய்யும் இடத்தில் பணியாற்றி இருகிறார். இந்நிலையில் அவர் சென்ற வாரம் சொந்தமாக ஒரு கார் வாங்கி இருக்கிறார்.

என் பரம்பரையிலேயே முதல் கார் இது என மிகவும் நெகிழ்ச்சியாக பதிவிட்டு இருந்தார் புகழ். அதை பார்த்து அவரது ரசிகர்களும் நெகிழ்ச்சி ஆகினர். புகழ் பெற்று இருக்கும் இந்த வளர்ச்சிக்கு பாராட்டுகளும் குவிந்தது.

நடிகர் சந்தானம் நடிக்கும் படத்தில் புகழும் தற்போது நடித்து வருகிறார். புகழின் காரை சந்தானம் ஒட்டி பார்த்திருக்கிறார். அதனை வீடியோவாக புகழ் தனது youtube சேனலில் வெளியிட்டு உள்ளார். காரை சந்தானம் அதிவேகமாக ஒட்டினார் என புகழ் தெரிவித்து இருக்கிறார்.

அதற்கு பிறகு புகழை தனது கேரவனுக்கு அழைத்த சந்தானம், கார் டேஷ்போர்டில் வைப்பதற்காக ஒரு வெள்ளி விநாயகர் சிலையை கிப்ட் ஆக கொடுத்திருக்கிறார்.

அதை பார்த்து புகழ் நெகிழ்ச்சியடைந்து இருக்கிறார். நீங்களே வீடியோவில் பாருங்க,,