Raja Rani 2: படிக்காத சமையல்காரர் சரவணன்...சந்தியாவுக்கு தெரியவந்த உண்மை!

ஐபிஎஸ் ஆக வேண்டும் என்ற கனவோடு இருந்த சந்தியாவின் வாழ்க்கையில் அப்பா அம்மாவின் மரணத்திற்குப் பிறகு என்னென்னவோ எதிர்பாராத சம்பவங்கள் நடந்து விட்டன.

கல்லூரி படிப்பு முடித்த சந்தியாவிற்கு சரவணன் உடன் திடீர் திருமணம் நடந்து விட்டது. ஐபிஎஸ் ஆகி காக்கி உடை போட வேண்டும் என்று நினைத்த சந்தியாவின் கழுத்தில் தாலி ஏறி விட்டது. கூட்டுக்குடும்பத்தில் வாழ்க்கைப்பட்டு சமையல் கட்டே கதியாக கிடக்கிறார் சந்தியா.

தன்னுடைய வாழ்க்கை இப்படி திசை மாறி போகும் என்று சந்தியா நினைக்கவில்லை. தன்னுடைய கணவன் படித்தவராக இருப்பார் என்று தான் சந்தியா நினைத்துக் கொண்டிருக்கிறார். கெடுபிடியான மாமியாரிடம் சமாளித்து வாழும் சந்தியா, கணவர் சரவணன் பற்றிய உண்மை தெரியாவிட்டாலும் பாசதோடு இருக்கிறார்.

புதிய ஸ்வீட் கடை திறப்பு விழாவிற்காக மாமனார், மாமியாருடன் போகிறார். அந்த இடத்தில் உண்மை தெரியவரும் என்று யாருமே நினைத்திருக்க மாட்டார்கள். சர்க்கரை தனது கடைக்கு சரவணன் இனிப்பகம் என்ற பெயரை வைத்திருக்கிறார். அதைப் பார்த்த சந்தியாவிற்கு மயக்கமே வருகிறது. அங்கே கரண்டியை கையில் பிடித்துக்கொண்டு போட்டோவிற்கு போஸ் கொடுத்து நிற்கிறார் சரவணன்.

அதைப்பார்த்த உடன்தான் தனது கணவன் ஒரு சமையல் மாஸ்டர் என்று தெரியவருகிறது. நான்காவது மட்டுமே படித்தவரை தனக்கு திருமணம் செய்து வைத்து விட்டார்கள் என்று நினைத்த சந்தியாவிற்கு கோபம் வருகிறது. அப்போது சந்தியாவின் மாமியார் சரவணனிடம் ஜாங்கிரி போட கற்றுத்தரத் சொல்கிறார்.

அதைக்கேட்டு ஆத்திரத்தில் கத்தி பேசும் சந்தியா, கல்லூரியில் படித்த தனக்கு நான்காவது மட்டுமே படித்த மாப்பிள்ளையை கட்டி வைத்து விட்டீர்களே என்று கேட்கிறார். அதைக்கேட்டு சரவணனின் அம்மா, அப்பா எல்லோரும் அதிர்ச்சியுடன் பார்க்கின்றனர். படிக்காத மருமகள் தான் வேண்டும் என்று நினைத்த சிவகாமி இனி எப்படி நடந்து கொள்வார். ராஜா ராணி சீரியலில் திடீர் திருப்பங்களை எதிர்பார்க்கலாம்.