பிரபல சீரியல் நடிகை கவிதாவின் மகன் கொரோனாவுக்கு பலி

ஜீ தமிழில் ஒளிபரப்பாகி வரும் என்றென்றும் புன்னகை சீரியலில் ஒரு முக்கிய ரோலில் நடித்து வருபவர் நடிகை கவிதா. அவர் பல்வேறு சீரியல்கள் மற்றும் திரைப்படங்களில் அம்மா கதாபாத்திரங்களில் நடித்து அதிகம் பாப்புலர் ஆகி இருக்கிறார்.ஆந்திராவை சேர்ந்த கவிதா அங்கு அரசியலிலும் அதிகம் பிரபலமானவர் தான். கொரோனா பிரச்சனை தொடங்கிய பிறகு அவர் அனைத்தில் இருந்தும் விலகி தான் இருந்தார்.

இந்நிலையில் கவிதாவின் கணவர் மற்றும் மகன் இருவருக்கும் சமீபத்தில் கொரோனா தொற்று ஏற்பட்டு உள்ளது. கவிதாவின் மகன் சாய் ரூப் சிகிச்சை அளித்தும் உடல்நிலை தொடர்ந்து கவலைக்கிடமாகவே இருந்து வந்திருக்கிறார்.

இந்நிலையில் நேற்று அவர் சிகிச்சை பலனின்றி உயிரிழந்தார். கவிதாவின் கணவர் தற்போது சிகிச்சையில் தான் இருக்கிறார்.

கொரோனாவுக்கு மகனை பறிகொடுத்த கவிதாவுக்கு சினிமா துறையினர் மற்றும் சின்னத்திரை பிரபலங்கள் இரங்கல் தெரிவித்துவருகின்றனர்.