Ajith Birthday: தல அஜித்துக்கு பிறந்தநாள் பரிசு கொடுக்கும் சன் டிவி: மே 1ல் விஸ்வாசம்!

தல அஜித் நடிப்பில் வெளியான விஸ்வாசம் படம் வரும் மே 1 தொழிலாளர் தினம் மற்றும் அஜித் பிறந்தநாளை முன்னிட்டு சன் டிவியில் ஒளிபரப்பாகவுள்ளது.

வீரம், வேதாளம் மற்றும் விவேகம் ஆகிய படங்களைத் தொடர்ந்து தல அஜித் மற்றும் சிவா கூட்டணியில் வெளியான 4ஆவது படம் விஸ்வாசம். சத்யஜோதி பிலிம்ஸ் நிறுவனம் தயாரித்துள்ள இப்படத்தில், அஜித்துடன் இணைந்து நயன்தாரா, கோவை சரளா, யோகி பாபு, விவேக், ரோபோ சங்கர், தம்பி ராமையா, அனிகா, சுஜாதா சிவகுமார், ஜெகபதி பாபு ஆகியோர் பலர் நடித்துள்ளனர்.

Avengers Endgame Leaked: அவென்சர்ஸ் எண்ட்கேம் லீக்: ஒட்டுமொத்த ஹாலிவுட்டையும் அதிரவைத்த தமிழ் ராக்கர்ஸ்!

Darbar Shooting: கம்பீரமாக நடந்து வரும் நயன்தாரா: தர்பார் ஷூட்டிங் ஸ்பாட் புகைப்படம்!

கே13 படத்தின் ஒரு சாயங்காலம் சாம்பல் ஆகும் நேரம் பாடல் லிரிக் வீடியோ!


கடந்த ஜனவரி மாதம் பொங்கல் பண்டிகையை முன்னிட்டு திரைக்கு வந்த இப்படம் உலகம் முழுவதும் பாக்ஸ் ஆபிஸ் வசூலில் ரூ.208 கோடிக்கும் அதிகமாக வசூல் செய்துள்ளது என்று விக்கிபீடியா பக்கத்தில் தெரிவிக்கப்பட்டுள்ளது. இப்படத்தைத் தொடர்ந்து இயக்குனர் வினோத் இயக்கத்தில் அஜித் நேர்கொண்ட பார்வை படத்தில் பிஸியாக நடித்து வருகிறார். இப்படம் வரும் ஆகஸ்ட் 10ம் தேதி திரைக்கு வருகிறது. இந்த நிலையில், தல அஜித் நேற்று தனது 19ஆவது ஆண்டின் திருமண நாளை கொண்டாடினார்.


இந்த நிலையில், படம் வெளியாகி 100 நாட்களுக்கு மேல் ஆன நிலையில், வரும் மே 1ம் தேதி அஜித்தின் 48ஆவது பிறந்தநாள் மற்றும் தொழிலாளர்கள் தினத்தை முன்னிட்டு சன் டிவியில் விஸ்வாசம் படம் ஒளிபரப்பாக உள்ளது. நேற்று, அஜித்தின் 19ஆவது ஆண்டு திருமண நாளை முன்னிட்டு சன் டிவி இந்த அதிரடியான அறிவிப்பை தனது டுவிட்டர் பக்கத்தில் தெரிவித்துள்ளது. அதன்படி, வரும் மே 1ம் தேதி மாலை 6.30 மணிக்கு விஸ்வாசம் படம் ஒளிபரப்பாகவுள்ளது என்று குறிப்பிட்டுள்ளது. இதற்கு முன்னதாக தமிழ் புத்தாண்டு தினத்தன்று ரஜினிகாந்த் நடிப்பில் வந்த பேட்ட படம் ஒளிபரப்பப்பட்டது என்பது குறிப்பிடத்தக்கது.