என்னது ’சம்சா’வா? 6 வருஷம் ஆச்சு.. இன்னும் முடியல: செந்தில்-ஸ்ரீஜாவின் க்யூட்டான வீடியோ

சரவணன் மீனாட்சி சீரியலில் ஒன்றாக நடித்த செந்தில் மற்றும் ஸ்ரீஜா இருவரும் நிஜத்திலேயே காதலித்து திருமணம் செய்து கொண்டனர்.

அவர்கள் அதற்கு பிறகும் சீரியல்களில் ஒன்றாக நடித்தனர். அவர்கள் ஒன்றாக நடித்த திருமணம் என்கிற சீரியலுக்கு நல்ல வரவேற்பு கிடைத்தது. தற்போது செந்தில் மட்டும் சீரியல்களில் தொடர்ந்து நடித்து வருகிறார். அவர் நடித்து வரும் நாம் இருவர் நமக்கு இருவர் சீரியல் ஓடிக்கொண்டிருக்கிறது.

இந்நிலையில் நேற்று தமிழ் புத்தாண்டு என்பதால் செந்தில் மற்றும் ஸ்ரீஜா இருவரும் சேர்ந்து வாழ்த்து கூறி ஒரு வீடியோ வெளியிட்டுள்ளனர். மொட்டை மாடியில் எடுக்கப்பட்ட அந்த வீடியோவில் நான் பேசமாட்டேன் என செந்தில் பின்னால் ஒளிந்துகொண்டிருக்கிறார் ஸ்ரீஜா. காரணம் செந்தில் வலுக்கட்டாயமாக வீடியோ செய்வதற்காக அவரை கூட்டி வந்தராராம்.

செந்தில் தமிழ் புத்தாண்டு வாழ்த்துக்கள் சொன்ன பிறகு ஸ்ரீஜா மலையாளத்தில்
விஷு ஆஷம்சகல் என வாழ்த்த கூறுகிறார். அதை திரும்ப கூற முயற்சிக்கும் செந்திலுக்கு அந்த சரியாக வரவில்லை என கூறி சரிசெய்ய சொல்கிறார்.

விஷு ஆஷம்சகல் சொல்லி சொல்லி பார்த்த செந்தில் "'சம்சா' கரெக்ட்டா?" என கிண்டலாக கேட்கிறார். திருமணம் ஆகி 6 வருடங்கள் ஆகிறது, இன்னும் ஷ கூட சரியா சொல்ல முடியல என செந்தில் கூறுகிறார். மேலும் பேசிய அவர் தற்போது கொரோனா லாக்டவுன் என்பதால் வீட்டுக்குள்ளேயே இருப்போம் என கூறியுள்ளார்.

செந்தில்-ஸ்ரீஜா இருக்கும் இந்த கியூட்டான வீடியோ இணையத்தில் ரசிகர்களை கவர்ந்து வருகிற்து.