காதலியை மறுமணம் செய்த டிவி நடிகையின் மாஜி கணவர்

தமிழ் மற்றும் மலையாள தொலைக்காட்சி தொடர்களில் நடித்துக் கொண்டிருப்பவர் மேக்னா வின்சென்ட். கேரளாவை சேர்ந்த மேக்னா தமிழில் தெய்வம் தந்த வீடு, பொன்மகள் வந்தாள், அவளும் நானும் தொலைக்காட்சி தொடர்களில் நடித்து ரசிகர்களை கவர்ந்தார். இது தவிர கயல் படத்திலும் நடித்துள்ளார்.

மேக்னா தனது காதல் கணவரான டான் டோனியை விவாகரத்து செய்துவிட்டதாக கடந்த 3ம் தேதி செய்திகள் வெளியாகின. அந்த செய்தியை பார்த்த ரசிகர்கள் அதிர்ச்சி அடைந்தார்கள். மேக்னா டான் டோனியை காதலித்து கடந்த 2017ம் ஆண்டு ஏப்ரல் மாதம் 30ம் தேதி திருமணம் செய்து கொண்டார். அவர்களின் திருமணம் பிரமாண்டமாக நடந்தது. ஆனால் திருமணமான ஓராண்டிலேயே அவர்களுக்கு இடையே பிரச்சனை ஏற்பட்டது.
இதையடுத்து பிரிந்து வாழ்ந்து வந்த அவர்கள் இனியும் சேர விருப்பம் இல்லாமல் விவாகரத்து பெற்றனர். விவாகரத்து செய்தி வெளியானபோதே டான் டோனிக்கு விரைவில் மறுமணம் நடக்கப் போகிறது என்றும், அதற்கான ஏற்பாடுகள் நடந்து வருகிறது என்றும் தகவல் வெளியானது.

இந்நிலையில் லாக்டவுன் நேரத்தில் டான் டோனி தனது காதலியான டிவைன் கிளாரா மணிமுறியில் என்பவரை திருமணம் செய்து கொண்டுள்ளார். திருமணத்தின்போது எடுத்த புகைப்படங்களை டான் டோனி தனது ஃபேஸ்புக் பக்கத்தில் வெளியிட்டு, கோவிட் 19-லாக்டவுன் திருமணம். மிகவும் எளிமையாக நடந்தது.

அதிகாரப்பூர்வமாக அறிவிப்பு வெளியிடாததற்கு சாரி. லாக்டவுன் விதிமுறைகள் இருப்பதால் தான் அறிவிக்க முடியவில்லை என்று தெரிவித்துள்ளார்.

டான் டோனி வெளியிட்ட புகைப்படங்களை பார்த்த பலரும் வாழ்த்தியுள்ளனர். மேக்னாவின் ரசிகர்களோ விவாகரத்து வாங்கிய கையோடு மறுமணமா, இதெல்லாம் கொஞ்சம் ஓவராக இருக்கிறது. எப்பொழுது விவாகரத்து கிடைக்கும், கிளாராவை கல்யாணம் செய்யலாம் என்று காத்திருந்தது போன்று இருக்கிறதே என தெரிவித்துள்ளனர்.

இதற்கிடையே பொன்மகள் வந்தாள் தொடரில் தன்னுடன் சேர்ந்து நடித்த விக்கி க்ரிஷை மேக்னா காதலிப்பதாக கூறப்படுகிறது. விரைவில் மேக்னா, விக்கி க்ரிஷ் திருமண செய்தியை எதிர்பார்க்கலாம் என்றும் கூறப்படுகிறது. பொன்மகள் வந்தாள் தொடரில் நடித்தபோது தான் அவர்களுக்கு இடையே காதல் ஏற்பட்டதாக தகவல் வெளியாகியுள்ளது. இருப்பினும் இது குறித்து சம்பந்தப்பட்ட இருவரும் எதுவும் தெரிவிக்கவில்லை.
அதனால் மேக்னாவும் தனது முன்னாள் கணவர் போன்று விரைவில் மறுமணம் செய்வாரா என்பது உறுதியாகத் தெரியவில்லை. மேக்னா, டான் டோனி விவாகரத்து பெற்ற வேகத்தில் அடுத்த வாழ்க்கையை துவங்க தயாராகியுள்ளது ரசிகர்களை வியக்க வைத்துள்ளது.

முதலில் காதலித்து செய்த திருமணம் தான் நிலைக்கவில்லை, டோனிக்கு இந்த திருமணமாவது நிலைக்கட்டும் என்று நெட்டிசன்கள் தெரிவித்துள்ளனர். மேலும் மேக்னா தன் மனதிற்கு பிடித்தவரை மறுமணம் செய்தால் அதில் தவறு இல்லை. ஆனால் அந்த திருமணமும் முதல் திருமணம் போன்று ஆகாமல் இருந்தால் சரி என்கிறார்கள் ரசிகர்கள்.

திருமணத்திற்கு பிறகும் மேக்னா தொடர்ந்து தொலைக்காட்சி தொடர்களில் நடிக்க விரும்பியதால் தான் அவருக்கும், டோனிக்கும் இடையே பிரச்சனை ஏற்பட்டு அது விவாகரத்து வரை வந்ததாக கூறப்படுகிறது. டோனியின் சகோதரியான நடிகை டிம்பிள் ரோஸ் மேக்னாவின் நெருங்கிய தோழி ஆவார் என்பது குறிப்பிடத்தக்கது.

மேக்னாவுக்கும், டிம்பிளுக்கும் கிட்டத்தட்ட ஒரே சமயத்தில் தான் திருமணம் நடைபெற்றது. டிம்பிள் தனது கணவருடன் வாழ்வதை பார்த்த ரசிகர்கள் நீங்களாவது கடைசி வரைக்கும் ஒற்றுமையாக இருங்கள் என்று தெரிவித்துள்ளனர்.