பாண்டியன் ஸ்டோர்ஸ் சித்ராவுக்கு சர்ப்ரைஸ் கொடுத்த விஜய் டிவி! என்ன தெரியுமா?

சின்னத்திரையில் தொகுப்பாளர் ஆக இருந்து அதன் பிறகு நடிகையாக வளர்ந்தவர் சித்ரா. தற்போது அவர் விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் என்ற சீரியலில் நடித்து வருகிறார். அதில் அவர் நடிக்கும் முல்லை என்ற கதாபாத்திரத்திற்கு அதிக அளவு ரசிகர்கள் இருக்கிறார்கள்.

அவருக்காகவே இந்த சீரியலை பார்க்கும் ரசிகர்களும் அதிகம் இருக்கிறார்கள். இந்நிலையில் கடந்த ஆகஸ்ட் மாதம் சித்ராவுக்கு திருமண நிச்சயதார்த்தம் நடைபெற்றது. அதன் போட்டோ மற்றும் வீடியோ இணையத்தில் அதிகம் வைரல் ஆகி இருந்தது. பிரபல தொழிலதிபர் ஒருவரை தான் சித்ரா திருமணம் செய்ய உள்ளார்.

இந்த வருட இறுதிக்குள் அவர்களது திருமணம் நடைபெற உள்ள நிலையில் சமீபத்தில் விஜய் டிவி நடத்திய ஆயுத பூஜை ஸ்பெஷல் நிகழ்ச்சி ஒன்றில் சித்து பங்கேற்க உள்ளார். கிராமத்து கொண்டாட்டம் என்ற அந்த நிகழ்ச்சியில் அவருக்கு எதிர்பார்க்காத ஒரு சர்ப்ரைசை விஜய் டிவி குழுவினர் கொடுத்திருக்கிறார்கள்.

அவரது வருங்கால கணவரை அங்கு வர வைத்து அவரை ப்ரொபோஸ் செய்ய வைத்திருக்கிறார்கள், மேலும் அவர்கள் இருவரும் மாலை மாற்றிக்கொண்டு அதன் பிறகு அவர்களுக்கு கிராமத்து முறையில் சடங்குகள் சிலவும் செய்து வாழ்த்தி இருக்கிறார்கள்.

இந்த வீடியோவை இன்ஸ்டாகிராமில் பதிவிட்டு இருக்கும் சித்ரா அது பற்றி நெகிழ்ச்சியாக பேசி இருக்கிறார். "இது உண்மையிலேயே மறக்க முடியாத ஒரு நினைவை நீங்கள் கொடுத்து இருக்கிறீர்கள். சர்ப்ரைஸ் கொடுத்த விஜய் டிவிக்கு நன்றி" என குறிப்பிட்டு இருக்கிறார்.

ரசிகர்களும் அவருக்கு வாழ்த்து தெரிவித்து வருகிறார்கள்.


மேலும் இந்த நிகழ்ச்சியில் சித்ரா தன் வருங்கால கணவர் பற்றி பல்வேறு விஷயங்களை வெளிப்படையாக பேசுவார் என எதிர்பார்க்கப்படுகிறது. அதனால் ரசிகர்கள் அந்த நிகழ்ச்சியை பார்க்க ஆவலுடன் காத்திருக்கிறார்கள்.