விஜய் டிவியின் முக்கிய சீரியல் நிறுத்தம்?: ஷாக் ஆன ரசிகர்கள்

விஜய் டிவியில் ஒளிபரப்பாகி வரும் சீரியல்களுக்கு நல்ல ரெஸ்பான்ஸ் இருந்து வருகிறது. இந்த கொரோனா லாக்டவுனில் நிறுத்தப்பட்ட ஒரு முக்கிய சீரியல் தற்போதும் தொடங்கப்படாமல் இருக்கிறது. மௌனராகம் 2 சீரியல் தான் அது.

மௌன ராகம் சீரியலில் ஹீரோயினாக ரவீனா தாஹா நடித்து வருகிறார், முதல் சீசனில் குழந்தையாக இருந்த சக்தி தற்போது வளர்ந்து பெரிய பெண்னாக வேலைக்கு செல்வது போலவும் காட்டப்பட்டு வருகிறது.

கொரோனா முழு ஊரடங்கு போடப்பட்ட காலகட்டத்தில் ஷூட்டிங் நடத்த முடியாத காரணத்தால் மௌன ராகம் 2 கடந்த மாதமே நிறுத்தப்பட்டது. கடந்த திங்கட்கிழமையில் இருந்து மற்ற சீரியல்களை விஜய் டிவி ஒளிபரப்ப தொடங்கி இருக்கிறது. ஆனால் மௌன ராகம் மட்டும் இன்னும் தொடங்கவே இல்லை. அதனால் அந்த சீரியல் ரசிகர்கள் ஏமாற்றத்தில் இருக்கிறார்கள்.

ஷூட்டிங் இன்னும் தொடங்கவில்லை என மௌன ராகம் குழுவினர் பதிவிட்டிருக்கும் இன்ஸ்டா பதிவும் தற்போது வைரல் ஆகி வருகிறது.


தினமும் இரவு 10 மணிக்கு மௌன ராகம் ஒளிபரப்பாகி வந்த நிலையில் அந்த நேரத்தில் தற்போது பாவம் கணேசன் சீரியல் ஒளிபரப்பாகி வருகிறது.