100 வயசு வாழணுமா? ஆயுள் ரகசியம் கூறும் சீனாவின் போதை முதியவர்!

100 வயது கடந்த சீன முதியவர் ஒருவர், தனது நீண்ட ஆயுளுக்கு காரணம் புகையும், மது மற்றும் துரித உணவு தான் என கூறும் வீடியோ ஒன்று வைரலாக பரவி வருகிறது. இவரது பெயர் ஸாங் கேமின், இவர் சீனாவின் ஜின்ஜின் எனும் பகுதியில் வசித்து வருகிறார். இவர் தனது நீண்ட ஆயுளின் இரகசியம் புகை, மது, மற்றும் விரும்புவதை உண்பது தான் என ஓர் பேட்டியில் கூறி இருக்கிறார்.

கடந்த ஜூன் 27ம் நாள் கேமின் தனது100 வயதை பூர்த்தி செய்தார். ஒரு தொலைக்காட்சி பேட்டியில், நான் ஒரு போதம் என்ன உணவு உட்கொள்ள வேண்டும், என்ன உணவு உட்கொள்ள கூடாது என வருந்தியது இல்லை, கவலைப்பட்டது இல்லை. என் வாழ்வில் நான் அதிகம் விரும்பி உட்கொண்டது புகையும், மதுவும் தான். ஆனாலும், தனது 30 வயதுக்கு மேல் மதுவை குறைத்துக் கொண்டதாக கூறி இருக்கிறார்.

தற்சமயம் தனது ஐந்து தலைமுறை குடும்பத்தினருடன் வீட்டில் வசித்து வரும் கேமின், ஒரு நாளுக்கு ஒரு பாக்கெட் சிகரெட் புகைப்பேன் என கூறி உள்ளார். தனது 20வது வயதில் இருந்து புகை பழக்கம் கொண்டிருப்பதாக குறிப்பிட்டுள்ளார் கேமின். இப்போது என்னால் புகை, மது ஆரோக்கியமானதா, ஆரோக்கியமற்றதா என்று அறிய முடியவில்லை, என்றும் அவர் பேட்டியில் கூறி இருந்தார்.

கேமின் தனது 15வது வயதில் வீட்டை விட்டு வெளியேறி ஒரு கடையில் வேலை பார்க்க துவங்கியுள்ளார். வேலை பார்த்து கொண்டிருந்த இடத்தில இருந்து தான் இந்த புகை பழக்கம் தனது தொற்றியதாக கேமின் கூறி இருந்தார்.

இப்போதேல்லாம் தனது பெரும்பாலான நேரத்தை வீட்டில் உட்கார்ந்த படி, டிவி பார்த்து கொண்டும், கொஞ்ச நேரம் நடை பயிற்சி செய்து கழிப்பதாக கேமின் தறிவித்துள்ளார். இப்போதெல்லாம் அதிகம் வெளியே செல்வது கடினமாக இருக்கிறது.

அதிலும், மழை காலங்களில் மிக கடினமாக உணர்கிறேன் எனக் கூறும், கேமினுக்கு சொல்லிக் கொள்ளும் படி பெரிய உடல்நல குறைபாடு எதுவும் இல்லை. காது கேட்கும் திறன் மட்டும் கொஞ்சம் குறைந்திருக்கிறது என்று இவரது உறவினர்கள் கூறுகின்றனர்.