மகனுக்கு "தல அஜித்" மகளுக்கு "அஜித்தா" என பெயர் வைத்த நடிகர் அஜித் ரசிகர்...!

மதுரை ஜெய்ஹிந்த் புரம் தேவர் நகர்ப் பகுதியைச் சேர்ந்தவர்கள் மதுரை வீரன், இவர் ஜோதி லெட்சுமி என்ற பெண்ணை காதலித்து திருமணம் செய்துள்ளார். இவர்கள் இருவரும் நடிகர் அஜீத்குமாரின் தீவிர ரசிகர்கள் எனக் கூறப்படுகிறது.

இவர் தங்கள் குழந்தைகளுக்கு அஜித் பெயரை வைத்துள்ளது தற்போது வைரலாக பரவி வருகிறது. மதுரை வீரன் 6 வயதாகும் தனது மகனிற்கு "தல அஜித்" என்றும், 8 வயதாகும் மகளுக்கு அஜித்தா என்றும் பெயர் சூட்டியுள்ளார்.

கணவன் மனைவி இருவருமே நடிகர் அஜித்தின் தீவிர ரசிகர்கள் என்பதால் தங்கள் குழந்தைகளுக்கு அஜித் பெயரை வைக்க வேண்டும் என்ற ஆர்வத்தில் இவ்வாறு பெயர் வைத்துள்ளனர். இந்த பெயரையே அவர்களது ஆதார் கார்டு, பிறப்பு சான்றிதழ்களிலும், பதிவு செய்துள்ளது.

Also Read : ஜப்பானில் ஆட்டோவுடன் ஆயுதபூஜை கொண்டாடிய ரஜினி ரசிகர் வைரலாகும் வீடியோ

ஒரு நடிகரின் ரசிகர் என்பதற்காக தன் குழந்தைகளுக்கு அந்த நடிகரின் பெயரை வைப்பது பலரை ஆச்சிரியத்தில் ஆழ்த்தியுள்ளது. இது போன்று வித்தியாசமாகப் பெயர் வைக்கும் பழக்கம் உலகளவில் நடைமுறையில் இருக்கிறது. சீனாவைச் சேர்ந்த ஒரு தம்பதி தங்கள் குழந்தைக்கு "@" எனப் பெயர் வைக்க விரும்பினர். இந்த செய்த வைரலாக அப்பொழுது பரவியது.

இதை விட வித்தியாசமான தகவல் என்ன தெரியுமா கர்நாடகா மாநிலத்தில் பத்ராபூர் என்ற பகுதி உள்ளது. இந்த பகுதியில் ஹக்கி பிக்கி என்ற மலைவாழ் பழங்குடியின மக்கள் வாழ்ந்து வருகின்றனர். அந்த மக்கள் கடந்த 10 ஆண்டுகளுக்கு முன்பு தங்கள் ஊரில் பிறக்கும் குழந்தைகளுக்கு வித்தியாசமாகப் பெயர் வைக்க வேண்டும் என முடிவு செய்தனர். அதன் படி இன்றும் அவர்கள் அப்படியான பெயரைத்தான் குழந்தைகளுக்கு வைத்து வருகின்றனர்.

Also Read : தமிழில் தேசிய கீதம் பாடும் அரசு பள்ளி ஆசிரியை - வைரலாகும் வீடியோ

நீங்கள் அந்த ஊரில் ஷாரூக், எலிசெபத், கூகுள், ஜப்பான், ஹைகோர்ட், மைசூர்பாக், பெங்களூரு பாக, காங்கிரஸ், ஜனதா, காஃபி, எனப் பல பெயர்களின் குழந்தைகளைப் பார்க்கலாம் அதில் சிலர் வளர்ந்துவிட்டார்கள் என்பது கூடுதல் தகவல்