அட... ஒரு பொண்ணை இப்படியா பண்ணுவீங்க சதீஷ் அதுவும் எல்லாருக்கும் முன்னாடி?

சமீபத்தில் சைமா திரைப்பட விருதுகள் வழங்கும் நிகழ்ச்சி நடந்தது. இந்த நிகழ்ச்சியை காமெடி நடிகர் சதீஷூம், நடிகை தன்யா பாலகிருஷ்ணனும் தொகுத்து வழங்கினர்.

நடிகை தன்யா பாலகிருஷ்ணன் ஏழாம் அறிவு, ராஜாராணி உள்ளிட்ட படங்களிலும் வாட்ஸ் அப் வேலைக்காரி என்ற வெப் சிரிஸிலும் நடித்து பிரபலமானவர்.

சைமா நிகழ்ச்சியின் மேடையில் சதீஷ் ஆண்கள் அணியும் ஜாக்கெட் ஒன்றை அணிந்திருந்தார். அதை கிண்டல் செய்த தான்யா இதெல்லாம் ஒரு டிரெஸ்ஸா என கூறினார்.

அதற்கு பதிலடி கொடுக்கிறேன் என்கிற பெயரில் தன்யாவை பின்னால் திரும்பி போர்டில் உள்ள எழுத்துக்களை படிக்க சொன்னார். அப்பொழுது அவர் பின்புற ஆடையை வைத்து கிண்டல் செய்தார். இதனால் தன்யாவிற்கு மேடையிலேயே தர்மசங்கடமான சூழ்நிலையாகிவிட்டது.


மேலும் இந்த விருது வாங்கும் நிகழ்ச்சியை பார்த்தவர்களும் அவர் காமெடி என நினைத்து செய்வதை பார்த்து முகம் சுழித்தனர். இந்த வீடியோவும் சமூகவலைதளங்களில் வைரலாகி வருகிறது. அதிலும் பலர் சதீஷின் செயலிற்கு கண்டனம் தெரிவித்து கருத்து பதிவிட்டு வருகின்றனர்.