Happy Deepavali: வாட்ஸ் அப் தீபாவளி வாழ்த்துக்கள் கலெக்ஷன்

தீபாவளி ஒவ்வொருவரது வாழ்விலும், மனதிலும் சந்தோஷத்தை ஏற்படுத்தக்கூடிய திருநாள். நாம் சிறுவயது முதல் இப்பொழுது வரை தீபாவளி என்றால் அந்த ஒரு நாளுக்காகப் பல நாட்கள் காத்திருப்போம். இந்த நாளில் நாம் புத்தாடை உடுத்தி பெரியவர்களின் ஆசீர்வாதம் பெற்று வெடி வெடித்து இனிப்பு, பலகாரங்கள் சாப்பிட்டு மிக அழகாக கழிப்போம்.

இந்த நாளில் நீங்கள் கட்டாயம் உங்கள் தீபாவளி வாழ்த்துக்களை உங்கள் நண்பர்கள், உறவினர்கள், உறவுகள், என அனைவரும் தெரிவிக்க வேண்டியது அவசியம். சந்தோஷமான நாட்களை அவர்களை விட்டுவிட்டுக் கொண்டாடமுடியுமா என்ன?

இந்த தீபாவளி திருநாளை வாட்ஸ்அப் ஸ்டேட்டஸ்கள், பேஸ்புக் ஸ்டேட்டஸ்கள், ட்வீட்டர் பதிவுகள், என எல்லாவற்றிலும், பகிர சில தீபாவளி கவிதைகள், மற்றும் சில புகைப்படங்களை இங்கே வழங்கியுள்ளோம்.

Also Read : தீபாவளி பட்டாசாய் வெடிக்கும் வடிவேலு மீம்ஸ்

கவிதைகள் :

1. அதிரடி வேட்டுச் சத்தம்
அரைகுறை எண்ணெய் குளியல்
சரசரக்கும் புத்தாடை
கசகசக்கும் வியர்வை
நமுத்துப்போன புஸ்வாணம்
அடுத்த வீட்டின் அதிகவெடிச் சத்தம்
ஆங்காங்கே கையில் சூடு
அழகான பெண்கள் கூட்டம்
கிடைக்காத ‘பகில்’ டிக்கெட்
அயர்ச்சி தரும் ‘வித்தியாசமான’ படங்கள்
அலுக்கவைக்கும் வெட்டிமன்றம்
பழகிப்போன புதுமுகங்கள்
ட்விட்டரில் க்ரீட்டிங்ஸ்
நான்ஸ்டாப் செல்போன் ஒலி
அவ்வப்போது ‘சாட்டிங்’ க்ரீட்டிங்க்ஸ்
அலுக்காத நண்பர்கள் கூட்டம்
கொஞ்சூண்டு குட்டித் தூக்கம்
கொஞ்சமாய் அஜீரணம்
மறந்து விட்ட நரகாசுரன்
மறக்காமல் ‘கங்கா ஸ்நானம்’!
விடியட்டும் நல்ல தீபாவளி

2.பற்ற வைத்தால் வெடித்துக் கரியாகும்
பட்டாசுக்கு செலவிடும் பணத்தை
பசியுற்ற மக்களுக்கு பிரித்தளித்து
ஏழையின் சிரிப்பில் காண்பதே ஏற்றமிகு தீபாவளி !

3. தூய்மையான தீபாவளி துன்பங்கள் இல்லையினி
ஏழ்மையை ஒழித்தே ஏற்றிடுவோம் தீபமினி

4. பலவித பலகாரங்கள் பக்குவமாய் செய்து
சுற்றம்நட்புடன் பகிர்வதற்கு பதிலாக
சிலவறியோர் குடிசை கதவுதட்டி
இன்முகத்துடன் தருவதே தித்திக்கும் தீபாவளி !

5. மத்தாப்புச் சிரிப்பால் மனங்கள் நிறையட்டும்
முத்தான நகைப்பில் முழுநிலவு ஒளிரட்டும்
நித்தமும் இல்லத்தில் மகிழ்ச்சியே நிலவட்டும்
சித்தமும் சிறந்தே சிந்தனையும் செழிக்கட்டும்

6. உறவுகளுக்குள் மனக்கசப்பு உண்டெனில்
நல்ல நாளில் நாடிப்போய்
விரிசலால் பிரிவு வருமுன்பே
உறவை புதுப்பிப்பதே உன்னத தீபாவளி !

7. கரியாகும் தீமையால் அகிலமே மிளிரட்டும்
அரியென இளையோர்ச் சீறியே பாயட்டும்
பரிவோடு பண்பும் பாரினில் பரவட்டும்
பிரியாமல் உள்ளங்கள் பிணைந்தே இருக்கட்டும்

8. சொந்தம் ஒதுக்க அனாதைஇல்லம் அரவணைக்க
அன்பிற்கேங்கும் ஆதரவற்ற முதியோரின்
நொந்த உள்ளம் ஆறுதலுற பேசி
பொழுதுபோக்கும் காலமே பொன்னான தீபாவளி !

8. மழையோடு பனியும் இதமாகப் பொழியட்டும்
அழைக்காமல் மேகமும் கருணையே காட்டட்டும்
உழைக்கின்ற உழைப்பாளி உளமும் களிக்கட்டும்
தழைக்கட்டும் பசுமையும் இயற்கையும் நிலைக்கட்டும்
பொன்னான நன்னாளைப் பொலிவோடு வரவேற்போம்
அன்போடு பெரியோரை வணங்கி மகிழ்ந்திடுவோம்.

9. தொலைக்காட்சியின் உத்தியால் ஈர்க்கப்பட்டு
விழியில் விளக்கெண்ணெய் விட்டவாறு
விலைமதிப்பில்லா நேரத்தை தொலைக்காமல்
வீட்டாருடன் உறவாடுவதே உல்லாச தீபாவளி !

10. வாழ்த்துக்களை வார்த்தைகளால் பரிமாறி
வாழ்க்கையில் மகிழ்ச்சி மலர
வருகின்ற தீபஒளி திருநாளில்
தீயன கழித்து நல்லன கூட்டுவதே உண்மையில் தீபாவளி .....!!!

Also Read : தீபாவளி வடிவேலு வாட்ஸ் அப் ஸ்டேட்டஸ்

வீடியோ


புகைப்படங்கள்




Also Watch : தீபாவளி வாழ்த்துக்கள் வீடியோ ஸ்டேட்டஸ்