Vanakkam : உலக தலைவர்கள் மத்தியில் வைரலாகும் "வணக்கம்" கலாச்சாரம்

இன்று உலகம் முழுவதும் கொரோனா வைரஸ் குறித்த விழிப்புணர்வு மிக வேகமாகப் பரவி வருகிறது கொரோனாவிலிருந்து மக்கள் தங்களைப் பாதுகாத்துக்கொள்ளப் பல விதமான நடவடிக்கைகளை எடுத்து வருகின்றனர். குறிப்பாகக் கூட்டமாக இருக்கும் இடங்களுக்குச் செல்வதைத் தவிர்ப்பது. வெளியூர்களுக்குப் பயணிப்பது. பொது இடங்களில் பாதுகாப்பாக இருப்பது எனப் பல விழிப்புணர்வுகள் ஏற்படுத்தப்பட்டு வருகின்றன.



அதில் முக்கியமான விழிப்புணர்வு மற்றவர்களுடன் கை குலுக்காமல் இருப்பது. வியர்வை துளிகள் மூலமும் இந்த நோய் பரவும் என்பதால் ஒருவர் மற்றவருடன் கை கொடுக்காமல் இருக்க டாக்டர்கள் அறிவுறுத்தி வருகின்றனர். இந்நிலையில் இந்த பழக்கத்தை தற்போது உலக தலைவர்கள் பலர் கடைப் பிடிக்கத் துவங்கியுள்ளனர்.




கைகொடுத்து வரவேற்பதில் புகழ்பெற்ற அமெரிக்க அதிபர் ட்ரம்ப் தற்போது கை கொடுக்கும் பழக்கத்தை விட்டு விட்டு இந்தியாவின் முக்கியமான பழக்கமான வணக்கம் வைக்கும் பழக்கத்தையும், ஜப்பானின் குனித்து மற்றவர்களை வரவேற்கும் பழக்கத்தையும் இவர் பேசி அதை நாம் கடைப்பிடிக்கவேண்டும் எனப் பேசியுள்ளார். அவர் சமீபத்தில் இந்தியாவிற்கு வந்த போது கூடத் தான் கை கொடுப்பதை விட வணக்கம் தான் அதிகமாகக் கூறினேன் அது மிகவும் சௌகரியமாக இருப்பதாகத் தெரிவித்தார்.


இதற்கிடையில் இங்கிலாந்து அரச குடும்பத்தைச் சேர்ந்த இளவரசர் சார்லஸ் சமீபத்தில் ஒரு இடத்திற்குச் சென்ற போது இந்தியப் பாணியில் வணக்கம் வைத்து மற்றவர்களுக்கு மரியாதை செய்த விடியோ சமூகவலைத்தளங்களில் வரலாகப் பரவி வருகிறது.

இதே போல பிரான்ஸ் அதிபர் இமானுவேல் மேக்ரோன், கனடா பிரதமர் ஜஸ்டின் ட்ரூடோ, இஸ்ரேல் பிரதமர் பெஞ்சமின் நெதன்யாஹூ, உள்ளிட்ட பலர் வணக்கம் கூறும் புகைப்படமும் சமூகவலைத்தளங்களில் வைரலாக பரவி வருகிறது.