தேர்தலில் விளம்பரம் செய்ய ரூ10 கோடி பெற்ற பேஸ்புக் ; எந்த கட்சி கொடுத்தது தெரியுமா?

இந்தியாவில் தேர்தல் அறிவிக்கப்பட்டாலும் அறிவிக்கப்பட்டது. கட்சிகள் எல்லாம் தீவிரமாக பிரச்சாரம் செய்து வருகின்றனர். ஆனால நீங்கள் சிறிய வயதில் ரோட்டில் மைக் செட் கட்டி பழைய பாட்டை ரீமேக் செய்து போட்டு செல்லும் காட்சிகளை எல்லாம் தற்போதைய காண்பது சிரமம், முன்பு அடிக்கடி இந்த சத்தம் உங்கள் காதுகளுக்கு வரும் இன்று அவ்வாறு இருக்க வாய்ப்புகள் குறைவு.

ஏன் தெரியுமா? கட்சிகள் எல்லாம் தங்களது பிரச்சார யுக்திகளை மாற்றி விட்டனர். மக்கள் எப்படி சமூகவலைதளங்களிலை அதிகமாக பயன்படுத்த துவங்கினரோ அதே போல கட்சியினரும் தங்களது தேர்தல் பிரச்சாரங்களை சமூகவலைதளங்களை நோக்கி திரும்பியுள்ளன்.

இன்று இணையதள விளம்பரங்களில் பெரும் ராட்சனாக இருப்பது கூகுள் மற்றும் பேஸ்புக் தான். கூகுள் நிறுவனம் ஏற்கனவே இந்த தேர்தலில் மொத்தம் எவ்வளவு விளம்பரங்கள் செய்யப்பட்டன. அதற்கான எவ்வளவு தொகை இதுவரை கூகுள் நிறுவனத்திற்கு வந்துள்ளது என வெள்ளை அறிக்கை ஒன்றை வெளியிட்டது.
Read More: 74 ஆயிரம் கோடி சொத்து இருந்தும் இவருக்கு இருந்த விநோத ஆசை என்ன தெரியுமா?

அதே போல தற்போது பேஸ்புக் நிறுவனமும் ஒரு அறிக்கை ஒன்றை வெளியிட்டுள்ளது. இந்த இரண்டையும் ஒப்பிடும் போது கூகுளை விட பேஸ்புக் தான் அதிகமாக வருமானத்தை இந்த தேர்தலில் ஈட்டியுள்ளது.

கூகுள் நிறுவனம் இந்த தேர்தலில் ரூ3.7 கோடி வருமானம் ஈட்டிய நிலையில் பேஸ்புக் நிறுவனம் ரூ10.32 கோடி வருமானம் ஈட்டியுள்ளது. மேலும் கூகுள் நிறுவனம் இந்த வருமானத்தை வெறும் 831 விளம்பரங்களை வெளியிட்டு பெற்றுள்ளது. ஆனால் பேஸ்புக் சுமார் 51,810 விளம்பரங்களை வெளியிட்டுள்ளது.

சுமார் 90 கோடி வாக்காளர்களை கொண்ட இந்திய நாட்டில் பேஸ்புக்கை மட்டும் சுமார் 30 கோடி மக்கள் பயன்படுத்துகின்றனர். கடந்த டிசம்பர் மாதம் முதல் அரசியல் விளம்பரங்களுக்கு பேஸ்புக், கூகுள்,யூடியூப், டுவிட்டர் என அனைத்தும் கட்டுப்பாடுகள் விதித்த நிலையில் கடந்த பிப் மாதம் முதல் அதை கண்காணிக்கும் தொழிநுட்பத்தையும், தேர்தல் ஆணையத்தின் உத்தரவுபடி பொறுத்தியது.
Read More: விமானத்தில் ராப் சாங்...! பயணிகளின் கவனத்தை ஈர்த்த வைரல் வீடியோ..!

தற்போது பேஸ்புக் வெளியிட்டுள்ள தகவலின் படி இந்தியாவிலேயே அதிகமான தொகைக்கு விளம்பரங்களை வெளியிட்ட கட்சி பா.ஜ. தானாம். கடந்த ஏப். 5ம் தேதி வரை ரூ1.5 கோடி செலவு செய்துள்ளதாம். காங்., கட்சி ரூ5.6 லட்சம் செலவு செய்துள்ளதாம்.

இணையதளம் மட்டும்மல்ல பிரிண்ட், ரேடியோ, டிவி போன்ற விளம்பரங்களிலும் மொத்தம் வரும் பணத்தில் சுமார் 50 சதவீதத்திற்கும் அதிகமான பணம் பா.ஜ.,கட்சியின் மூலம் தான் வருகிறது. காங்., மொத்த செலவில் 14 சதவீதம் செய்துள்ளது.