ஆன்லைனில் நடந்த நிச்சயதார்த்தம்... அட இது காமெடி இல்லைங்க...

இன்று தொழிற்நுட்பம் வளர்ந்துவிட்டது. ஒரு காலத்தில் காதலிக்க வேண்டும் என்றால் காதலன் காதலியைக் காணப் பல மணி நேரம் காத்திருக்க வேண்டும். யாரும் பார்க்காத நேரத்தில் யாருக்கும் தெரியாத இடத்தில் அவர்கள் சந்திக்க வேண்டும். அப்படியே சந்தித்தாலும் யாரும் பார்த்துவிடுவார்களோ என்ற பயம் இது எல்லாம் சில ஆண்டுகள் முன்பு வரை இருந்தது.

ஆனால் செல்போன் வந்த பின்பு காதலிக்கும் நபர்கள் தங்கள் செல்போன் எண்களைப் பகிர்ந்து கொண்டாலே போது பின்னர் எல்லாமே யாருக்கும் தெரியாமல் செய்துவிடலாம். இந்த தொழிற்நுட்ப வளர்ச்சியைப் பற்றிப் பேசும் போது பலர் எதிர்காலத்தில் திருமணமே அப்படிதான் நடக்கும் எனப் பலர் பேசுவார்கள். இது விளையாட்டிற்குத் தான் பேசுவார்கள்.

ஆனால் அப்படியான ஒரு சம்பவம் உண்மையாகிவிட்டது. குஜராத் மாநிலத்தில் நடந்த ஒரு திருமணத்தில் மணப்பெண்ணும், மணமகனும் வேறு வேறு இடத்தில் இருக்கும் நிலையில் அவர்களது பெற்றோர்கள் அவர்களை செல்போன் வீடியோ காலில் வைத்தே இருவருக்கும் திருமண நிச்சயதார்த்தம் செய்தனர். இந்த வீடியோ சமூகவலைத்தளங்களில் வைரலாக பரவி வருகிறது.

இந்த வீடியோவில் தனித்தனி செல்போன்களில் பெண்ணும் மாப்பிள்ளையும் வீடியோகாலில் இருக்க அவர்கள் நேரில் இருந்தால் அவர்களுக்கு என்ன சடங்குகள் எல்லாம் செய்யப்படுமோ அது எல்லாம் செய்யப்பட்டது. உச்சக்கட்டமாகப் பெண்ணிற்கு சால் போர்த்தும் நிகழ்ச்சியில் பெண் விடியோ கால் பேனிற்கு சால் போர்த்தப்பட்டது. பொட்டு வைத்து ஆசீர்வாதம் செய்வதற்குக் குறிப்பிட்ட செல்போனிற்கு பொட்டு வைத்து ஆசீர்வாதம் செய்யப்பட்டது.

இந்த வீடியோவை பலர் பகிர்ந்து எதிர்காலத்தில் திருமணங்கள் இப்படிதான் நடக்கும். நாம் எப்படிப்பட்ட சூழ்நிலையில் வாழ்கிறோம் என்று எல்லாம் பதிவுகளை வெளியிடத் துவங்கிவிட்டனர். சிலர் இந்த பதிவில் நிச்சயதார்த்தம் மட்டும்தான் இப்படியா? அல்லது முதலிரவும் இப்படியா? எனக் குசும்பு கமெண்ட்களையும் போட்டுள்ளனர். இந்த சம்பவம் குஜராத்தில் நடந்தது தானா என்பது தெரியவில்லை. ஆனால் இவர்கள் பேசும் மொழியை வைத்தது குஜராத்தில் நடத்திருக்கலாம் என அனுமானிக்கப்படுகிறது.


Also Read : ஆட்டோ சங்கர்... தமிழகத்தை உலுக்கிய சீரியல் கில்லர்... நெஞ்சை பதற வைக்கும் கொலைகள்....

இந்த விடியோ வரலாகும் நிலையில் இந்த விடியோ குறித்த உங்கள் கருத்துக்களை கமெண்டில் சொல்லுங்கள்.