Bigg Boss வீட்டிற்கு ரீ என்டரி ஆன வனிதாவிற்கு எவ்வளவு சம்பளம் தெரியுமா? கஸ்தூரி தான் டாப்...!

பிக்பாஸ் வீட்டிற்குள் பிரச்னை பிடித்த போட்டியாளர்கள் எல்லாம் ஒவ்வொருவராக வெளியேறி இறுதியாக சாக்ஷியும் வெளியேறிவிட்டார். சாக்ஷி வெளியேறிய பின்னர் வீட்டில் பெரியதாகச் சண்டைகள் இருக்காது. என நினைத்தனர்.

ஆனால் சாக்ஷியின் வெளியேற்றத்திற்கு முன்னதாகவே நடிகை கஸ்தூரி வீட்டிற்குள் அனுப்பப்பட்டார். வீட்டில் கஸ்தூரி சென்ற பின்பு பிரச்னை ஏதாவது நடக்கும் என பலர் எதிர்பார்த்த நிலையில் அப்படி எதுவும் இல்லை. கஸ்தூரி சாதாரணமாகவே இருந்தார்.

இந்நிலையில் நிகழ்ச்சியை சூடுபிடிக்க வைக்க வந்தது லக்ஸி டாஸ்க் இதில் பிக்பாஸ் வீடு பிக்பாஸ் ஓட்டலாக மாற்றப்பட்டு அதற்கு விருந்தினராக ஏற்கனவே பிக்பாஸ் வீட்டிலிருந்து வெளியேற்றப்பட்ட வனிதா மீண்டும் வந்தார்.

Read More: கேரள மழையில் காதல் பொழியும் புதுமண தம்பதி...! - வைரலாகும் வீடியோ

அவர் வந்த நொடியில் இருந்து வீடு பரபரப்பிற்குள் சண்டைக்கும், சச்சரவுகளுக்கும் பஞ்சம் இல்லாமல் சென்று பயங்கர விறுவிறுப்பாக சென்று கொண்டிருக்கிறது.

ஏற்கனவே நாம் பிக்பாஸ் வீட்டில் உள்ளவர்களுக்கு எவ்வளவு சம்பளம் வழங்கப்படுகிறது என்பதைப் பற்றி ஒரு செய்தி வெளியிட்டிருந்தோம். தற்போது வீட்டிற்குள் சென்ற கஸ்தூரி மற்றும் வனிதாவின் சம்பளம் குறித்து உத்தேசமாக சில தகவல்கள் வெளியாகியுள்ளன.

அதன்படி கஸ்தூரி வீட்டிற்குள் இருக்கும் ஒவ்வொரு நாளுக்கும் ரூ 1.5 லட்சம் சம்பளமாக வழங்கப்படும் என ஒப்பந்தமிடப்பட்டுள்ளதாகவும், ஆனால் அவர் வீட்டிற்குள் சென்று கவினிடம் பேசிய சம்பவம் மட்டுமே வைரலான நிலையில் டிஆர்பியை ஏற்ற வேறு விஷயங்களை அவர் செய்ததால் வனிதாவை வீட்டிற்குள் விருந்தினராக அனுப்பியுள்ளனர்.

Read More: 102 நாள் ஓட்டலில் தங்கிவிட்டு ரூ12 லட்சத்தை "ஏப்பம்" விட்டு சென்ற தொழிலதிபர்

அவர் வீட்டிற்குள் ஒருவாரம் இருக்க அவருக்கு ரூ10 லட்சம் சம்பளமாக வழங்கப்பட்டதாகவும் தகவல்கள் வெளியாகி வருகிறது. மேலும் அவரிடம் பிக்பாஸ் நிர்வாகம் விறுவிறுப்பாக நிகழ்ச்சி செல்ல வேண்டும் என அறிவுறுத்தியுள்ளதாகத் தெரிகிறது.

அதன் படி அவர் வந்ததும் முதல் வேலையாய் முகின், அபி காதல் விவகாரத்தை பெரிதாக்கிவிட்டார். நேற்று அந்த காதல் முறிந்துவிட்டது. இன்று வெளியான புரோமோவில் மதுமிதா ஆண்களுடன் சண்டையிடுகிறார். வந்தவேலையை வனிதா சிறப்பாகச் செய்கிறார் போல.