46 முறை மனைவியை கத்தியால் குத்திய கணவன்... மீண்டும் அவருடனேயே வாழ விரும்பும் மனைவி

பிரிட்டனைச்சேர்ந்த மைக்கேல் பர்னார்ட் என்ற 25 வயது இளைஞர் தனது 21 வயது மனைவியான ஷானோன் என்பவருக்கு தெரியாமல் மது அருந்தி, போதை பழக்கத்திற்கு அடிமையாககியுள்ளது. இது குறித்து அவரது மனைவி தட்டி கேட்டபோது மைக்கேலுக்கு கோபம் வந்துள்ளது. இதனால் இருவரும் சண்டையிட்டுள்ளனர்.

இந்த சண்டையில் மைக்கேல் கோபத்தில் தன் மனைவியை 46 முறை கத்தியால் குத்தியுள்ளார். இதையடுத்து மைக்கேல் கைது செய்யப்பட்டார். இந்த வழக்கை விசாரித்த நீதிபதி மைக்கேலுக்கு 21 ஆண்டுகள் சிறை தண்டனை வழங்கினார்.

தற்போது அவரது மனைவி ஷானோன் தன் கணவரை தான் மன்னித்துவிட்டதாகவும், அவர் சிறை தண்டனை முடிந்து வெளியே வந்ததும் அவருடனேயே சேர்ந்து வாழ விரும்புவதாகவும், அவரை வாரம் இருமுறையில் சிறையில் சென்று சந்திக்க விரும்புவதாகவும் தெரிவித்துள்ளார்.

Also Read : 30 ஆண்டுகள் தனிமைபடுத்தப்பட்ட பெண்...

இதை கேட்டு நெகிழ்ச்சியடைந்த நீதிபதி அனுமதி வழங்கியதோடு, மைக்கேலிடம் உங்களுக்கு ஷானோன் மனைவியாக கிடைத்தது வரம் என கூறினார். கணவன் தன்னை கொல்ல நினைத்து 46 முறை கத்தியால் குத்தியபோதும் மனைவி அவரை மன்னித்து அவருடன் வாழ விரும்பிய சம்பவம் பலரை ஆச்சரியத்திற்குள்ளாக்கியுள்ளது.