அயன் பட பாணியில் போதை மருந்தை கடத்தியவர் வயிற்றுக்குள் போதை பொட்டலம் வெடித்ததால் நடுவானிலேயே பரிதாப பலி

ஜப்பானை சேர்ந்த 42 வயது மதிக்கதக்க ஒருவர் அயன் பட பாணியில் போதை பொருட்களை சிறு சிறு பொட்டலங்களாக போட்டு அதை விழுங்கிவிட்டு தென் அமெரிக்காவின் கொலம்பியாவில் இருந்து ஜப்பான் தலைநகர் டோக்கியோவிற்கு விமானத்தில் பயணித்தார்.

விமான பயணத்தின் போது அவருக்கு திடீர் என மயக்கம் ஏற்பட்டுள்ளது. இதை கவனித்த விமானப்பணி பெண்கள் உடனடியாக கேப்டனுக்கு தகவல் சொல்ல விமானம் அவசர அவசரமாக தரையிறக்கப்பட்டது.

ஆனால் விமானம் தரையிறங்குவதற்கு முன்பாகவே அவர் உயிரிழந்துவிட்டார். அவரது உடலை பிரேத பரிசோதனை செய்த டாக்டர் அவரின் வயிற்றில் இருந்து 246 போதைமருந்து பொட்டலங்களை எடுத்தனர். இந்த பொட்டலங்கள் லீக் ஆகி போதை பொருள் உடலில் கலந்ததால் ரத்ததில் போதை அதிகமாகி மூளை பாதிக்கப்பட்டு அவர் உயிரிழந்தது தெரியவந்தது.

நடிகர் சூர்யாவின் நடிப்பில் வெளியான அயன்படத்திலும் சிட்டி என்ற கதாபாத்திரம் இதே போல போதை பொருளை வயிற்றில் பொட்டலமாக போட்டு விழுங்கி சென்று விமானத்தில் செல்லும்போது லீக் ஆகிவிடும். அதே போன்ற சம்பவம் தான் தற்போது உண்மையிலேயே நடந்துள்ளது. இந்த செய்தி தற்போது வைரலாக பரவி வருகிறது.