Free Meal Restaurant: தோனியின் ரசிகரா நீங்க? இந்த கடையில் உங்களுக்கு உணவு இலவசம்

மேற்கு வங்க மாநிலம் அலிபுர்துர் என்ற பகுதியில் எம்.எஸ் தோனி என்ற ஓட்டல் ஒன்று இருக்கிறது. அங்கு எம்எஸ் தோனி ரசிகர்களுக்கு இலவசமாக உணவு வழங்கப்படுகிறது.

இது குறித்து அந்த உணவகத்தை நடத்தி வரும் சாம்பு கூறும்போது :"கடந்த 2 ஆண்டுகளுக்கு முன்பு ஒரு துர்கா பூஜையின் போது இந்த உணவகத்தை துவங்கினேன். இன்று சுற்றுவட்டார பகுதியில் உள்ள பெரும்பாலானவர்களுக்கு என் ஓட்டலை தெரியும். எனக்கு தோனியை அதிகம் பிடிக்கும். அவர் மற்றவர் போல இல்லை. எனது குழந்தை பருவத்தில் இருந்து பார்த்து வருகிறேன். அவரது கிரிக்கெட் விளையாட்டில் ஒரு லெஜென்ட் தன்மை இருக்கிறது. அவரை பார்த்து நிறைய கற்றுக்கொண்டேன். அவரை இதுவரை சந்தித்தது இல்லை. ஒரு நாள் கண்டிப்பாக சந்திக்க வேண்டும். அவர் கிரிக்கெட் விளையாடுவதை கூட நேரில் பார்க்க முடியவில்லை. என்னிடம் அவ்வளவு பணமில்லை.

அவரை சந்திப்பதை நான் ஒரு கனவாக கொண்டுள்ளேன். அந்த கனவு நினைவாகும் போது அவரை நிச்சயம் எனது உணவகத்திற்கு சாப்பிட அழைப்பேன். அவருக்கு சாதமும் மீன் குழப்பும் பிடிக்கும் என எனக்கு தெரியும் அவருக்காக அதை அன்று சமைத்து தர திட்டமிட்டுள்ளேன்.

2011 உலககோப்பை இறுதி போட்டியின் போது நான் டீக்கடை நடத்தி வந்தேன். அன்று என் கடையில் என் நண்பர்கள் வாடிக்கையாளர்கள் என பெரிய பட்டாளமே அந்த போட்டியை பார்த்தோம். அந்த நாளை என்னால் மறக்கவே முடியாது." என கூறினார்.

தோனியின் தீவிர ரசிகரான சாம்பு கடையில் தோனியின் புகைப்படங்கள் ஆங்காங்கே ஒட்டப்பட்டுள்ளது. அதுவே அவர் எவ்வளவு பெரிய தோனி ரசிகர் என்பதை காட்டுகிறது. தற்போது அவரின் இந்த உணவகம் அப்பகுதி மக்களிடையே வைரலாகி வருகிறது.