அவெஞ்சர்ஸ் தி எண்ட் கேமோட இந்த கதை உங்களுக்கு கண்ணீரை வரவழைக்கும்...!

இன்றைய சூழ்நிலையில் மக்கள் மத்தியில் பெரிய அளவில் பேச்சாக இருக்கும் விஷயம் அவெஞ்சர்ஸ் தி எண்ட் கேம் திரைப்படம் குறித்தது தான். இந்த படம் மக்கள் எதிர்பார்த்ததையும் தாண்டி பல விஷயங்களை கொண்டிருந்தது.

இந்நிலையில் இந்த படம் குறித்த ஒருவர் தனது பேஸ்புக் பக்கத்தில் பதிவு ஒன்றை போட்டுள்ளார். இதை படிக்கும் பலருக்கும் கண்ணீர் நீரை வரவழைக்கும்.

அவர் பதிவிட்டதிலிருந்து : "இன்று அவெஞ்சர்ஸ் எண்ட் கேம் வந்து 3 நாள் ஆகிறது. நான் தியேட்டரில் படம் பார்த்தபோது என் பக்கத்தில் இரண்டுபேர் அமர்ந்து படம் பார்த்தனர். அதில் ஒருவர் ஒவ்வொரு காட்சியையும் தனது அருகில் இருந்த மற்றவருக்கு விவரித்துக்கொண்டே இருந்தார். அது எங்களுக்கு பெரும் இடையூராக இருந்தது.


அதை நிறுத்த சொல்லி நாங்கள் கேட்டோம் ஆனால் அவர் அதை தொடர்ந்து கொண்டே இருந்தார். இடைவேளையின் போது அவர் யாருக்கு அதை விளக்கினார் என்பதை பார்க்கும் போது தான் எங்களுக்கு சூழ்நிலையே புரிந்தது. அவர் விளக்கிய நபருக்கு கண் தெரியவில்லை.

இதன் பின்தான் நாங்கள் சூழ்நிலைய உணர்ந்து கொ்ணடோம். அதன் பின் விசாரித்ததில் கண்களை இழந்தவர் மார்வெல் திரைப்படங்களின் மிகப்பெரிய ரசிகராக இருந்தவராம். ஆனால் எதிர்பாராத விதமாக ஒரு விபத்தில் கண்களை இழந்துவிட்டார். அதனால் அவரது நண்பர் அவரை திரைப்படத்திற்கு அழைத்து வந்து அதை விளக்கம் அளித்துள்ளார். "என பதிவிட்டிருந்தார். பலர் இந்த பதிவை படித்ததுமே கண்கலங்கிவிட்டனர்.