Ind vs Aus 2வது ODI போட்டிக்கு நடுவே, காதலிக்கு ப்ரபோஸ் செய்த இந்தியர், வைரல் வீடியோ!

நேற்று (29-11-2020) இந்தியா, ஆஸ்திரேலியா அணிகளுக்கு இடையேயான 2வது ஒரு நாள் போட்டி சிட்னி கிரிக்கெட் மைதானத்தில் நடந்தது. இந்த போட்டியில், டாஸ் வென்று முதலில் பேட்டிங் தேர்வு செய்த ஆஸ்திரேலியா அணி, ஃபின்ச், வார்னர், ஸ்மித், லாபஷைன், மேக்ஸ்வெல் போன்றவர்களின் அசத்தலான ஆட்டத்தால் 390 ரன்கள் குவித்தது.

ஏற்கனவே முதல் போட்டியில் தோல்வி அடைந்த இந்திய அணிக்கு, இந்த இமாலய இலக்கு பெரும் சோதனையாக அமைந்தது. இருந்தும், துவக்கத்தில் 2 விக்கெட் இழந்தாலும், கேப்டன் கோலி, ஷ்ரேயஸ் ஐயர் நிதானமாக ரன்கள் சேகரித்து வந்தனர்.

அந்நேரம், சரியாக 20 ஓவர்கள் முடிந்த நிலையில், மைதானத்தில் போட்டியை காணவந்த இந்திய ரசிகர் ஒருவர், தனது தோழியான ஆஸ்திரேலிய ரசிகையிடம் காதலை, மண்டியிட்டு மோதிரம் நீட்டி ஆங்கிலேயே ஸ்டைலில் ப்ரபோஸ் செய்தார். இதை போட்டியின் கேமராக்கள் கச்சிதமாக பதிவு செய்தது.

போட்டியில் இந்தியா தோல்வி அடைந்தாலும், இந்தியர் ஒருவர் ஆஸ்திரேலிய பெண்ணின் இதயத்தை வென்றது மகிழ்ச்சியாக இருக்கிறது என சமூக தளத்தில் ரசிகர்கள் கருத்துகள் பகிர்ந்து வருகின்றனர்.

வீடியோ!

இந்த ஜோடியின், வீடியோ மைதானத்தின் பெரிய ஸ்க்ரீனில் ஒளிபரப்பான போது, ஆஸ்திரேலிய அணி வீரர் மேக்ஸ்வெல், கைத்தட்டி தனது ஆதரவு மற்றும் பாராட்டுக்களை வெளிப்படுத்தகினார். இதற்கு முக்கிய காரணம், ஆஸ்திரேலியரான மேக்ஸ்வெல், காதலித்து திருமணம் செய்துக் கொள்ளவிருக்கும் வினி ராமன் இந்தியர் ஆவார். இவர்கள் இருவருக்கும் பிப்ரவரி 2020ல் நிச்சயம் நடந்தது.