Usain Boltடை விட வேகமாக ஓடிய கம்ப்ளா வீரர் - வைரலாகும் வீடியோ

தமிழகத்தில் ஜல்லிக்கட்டைப் போலக் கர்நாடகா மாநிலத்தில் மிகவும் பிரபலமானது கம்பளா என்ற விளையாட்டு அதில் எருமை மாடுகளைப் பூட்டி தண்ணீர் சகதி நிறைந்த ஒரு பகுதியில் எருமை மாட்டுடன் வீறும் ஓட வேண்டும் குறிப்பிட்ட தூரத்தைக் குறைந்த நேரத்தில் கடந்து செல்பவரே வெற்றி பெற்றவராக அறிவிக்கப்படுவார். இந்த போட்டி கர்நாடகா மாநிலத்தின் கடற்கரையோர பகுதிகளில் மிகவும் பிரபலமானது.

இந்நிலையில் கர்நாடக மாநிலம் மங்களூரு அய்கலாவில் சமீபத்தில் கம்பளா போட்டி நடந்தது. இந்த போட்டிக்காக சுமார் 142.5 மீட்டர் கொண்ட தடம் அமைக்கப்பட்டிருந்தது. இந்த போட்டியில் கலந்து கொண்ட சீனிவாச கவுடா என்ற இளைஞர் இந்த பந்தயத்தை வெறும் 13.62 நொடியில் கடந்துள்ளார்.



அதாவது 142.5 மீட்டர் தூரத்தை 13.62 நொடியில் கடந்துள்ளார். இதை 100 மீட்டாருக்குக் கணக்கிட்டுப் பார்த்தால் 9.55 விநாடிகள் வருகிறது. இது ஒரு உலக சாதனை மிகுந்த ஓட்டமாகும். உலகில் மிக வேகமாக ஓடும் மனிதராகக் கருதப்படும் உசேன் போல்ட் 9.58 விநாடிகளில் 100 மீட்டர் ஓட்ட போட்டியைக் கடந்ததே அதிகபட்ச சாதனையாக இருக்கிறது. உசேன் போல்ட்சாதனையை முறியடிக்கும் அளவிற்குத் திறன் வாய்ந்த ஒருவர் இந்த நாட்டில் இருப்பது தற்போது தெரியவந்துள்ளது.


28 வயதாகின சீனவாச கவுடா கம்பளா போட்டியில் கலந்து கொண்ட வீடியோ தற்போது சமூகவலைத்தளங்களில் வரலாகப் பரவியது. இதையடுத்து மஹிந்திரா நிறுவனத்தின் சிஇஓ ஆனந்த் மஹிந்திரா இதைத் தனது டிவிட்டர் பக்கத்தில் பதிவிட்டிருந்தார். அதில் இவருக்குப் பயிற்சி அளிக்க வேண்டும் என் மத்திய விளையாட்டுத் துறை அமைச்சர் கிரண் ரிஜூஜூவிற்கு கோரிக்கை விடுத்தார். அதற்குப் பதிலளித்த ரிஜூஜூ தான் சீனிவாச கவுடாவுடன் பேசியதாகவும். அவருக்கான தேர்வை நடத்த முதற்கட்டமாகத் திட்டமிட்டுள்ளதாகவும் தெரிவித்தார்.


இந்த வீடும், சீனிவாச கவுடா கம்பளா போட்டியில் ஓடிய வீடியோவும், அப்பொழுது எடுக்கப்பட்ட புகைப்படமும் சமூகவலைத்தளங்களில் வைரலாக பரவி வருகிறது.