Telangana Engineer Topper: பொது நுழைவு தேர்வில் 95.95 சதவீத மார்க் எடுத்து 17 வயது மாணவி சாதனை

பொது நுழைவு தேர்வில் தெலுங்கானா மாநிலத்தை சேர்ந்த 17 வயது மாணவி சம்ஹித்தா காசி 95.95 சதவீத மதிப்பெண்களை பெற்று தேர்ச்சி பெற்றுள்ளார். இது பலரை ஆச்சரியத்தில் ஆழ்த்தியுள்ளது.

இது குறித்து சம்ஹித்தா கூறும் போது : "கேட் தேர்வில் நான் தேர்ச்சிபெற்றுள்ள நிலையில் ஐஐஎம் மில் சேர்ந்து எம்பிஏ பைனான்ஸ் படிக்க விரும்புகிறேன் " என கூறினார்.

இவர் தனது சிறு வயது முதலே பல்வேறு திறமைகளை வெளிப்படுத்தி வந்துள்ளார். தனது 3 வயது முதல் படிப்பில் ஆர்வம் அதிகம் மிக்கவர். அப்பொழுது முதல் பல்வேறு பரிசுகளையும் பாராட்டுகளையும் பெற்றுள்ளார்.

கட்டுரைகள் எழுதுவது, படம் வரைவது, ஆகியவற்றில் சிறு வயது முதலே ஆர்வம் காட்டியுள்ளார். முன்னாள் குடியரசு தலைவர் அப்துல்கலாமிடம் இருந்து தான் எழுதிய சோலார் சிஸ்டம் குறித்த கட்டுரைக்காக பாராட்டு சான்றிதழை பெற்றிருக்கிறார்.

மேலும் முன்னாள் பிரதமர் மன்மோகன் சிங்கிடம் இருந்து இந்திய பொருளாதாரத்தை உயர்த்த சில வழிகள் என்ற தலைப்பில் அவர் கட்டுரை எழுதி அதற்கு பாராட்டு கடிதமும் பெற்றுள்ளார். இவர் முன்னாள் ரிசர்வ் வங்கி கவர்னர் ரகுராம் ராஜனை தனது ரோல் மாடலாக எடுத்துள்ளார்.

இவர் சிறிய வயதில் 10ம் வகுப்பில் கணிதம் மற்றும் அறிவியலில் 10 கிரேடு புள்ளிகளையும், இவர் தனது 12 வயதில் 12 வகுப்பில் கணிதம், இயற்பியல், மற்றும் வேதியல் பாடங்களில் 88.6 சதவீத மதிப்பெண்களை பெற்றுள்ளார். மேலும் இவர் 16வது வயதில் பி.இ எலெக்ட்ரிக்கல் மற்றும் எலெக்ட்ரானிக் இன்ஜினியரிங் பிரிவிஙல் 8.85 சிஜிபிஏ பெற்றுள்ளார். மேஞம் கடைசி தேர்வில் 9.5 சிஜிபிஏ பெற்று தங்க பதக்கமும் பெற்றுள்ளார்.

இவர் தற்போது ஐஐஎம்மில் தனது எம்பிஏ படிப்பில் சேர்வதற்காக காத்திருக்கிறார். அவர் கேட் தேர்வில் 95.95 சதவீத மதிப்பெண்களை பெற்றதை அவரது குடும்பத்தினர் சந்தோஷமாக கொண்டாடி வருகின்றனர்.