ஆண் வயிற்றில் இருந்து அப்புறப்படுத்தப்பட்ட கர்ப்பப்பை ; இனி தான் குழந்தை பாக்கியமே கிடைக்குமாம்...!

மும்பையை சேர்ந்த ஒருவர் தனக்கு குழந்தை இல்லை என்று டாக்டரிடம் சென்றுள்ளார். அவரது விந்தை பரிசோதனை செய்த டாக்டர்கள் அதில் உயிரணுக்கள் இல்லாமல் இருப்பதை கண்டனர். பொதுவாக ஆண்களுக்கு குழந்தையின்மைக்கு குறைந்த உயிரிணு காரணமாக இருக்கலாம். ஆனால் உயிரணுக்களே இல்லாமல் இருப்பது மிக அரிதான விஷயம் என்பதால் மேலும் பரிசோதனையை தொடர முடிவு செய்தனர்.

இதையடுத்து அவரது அடி வயிற்றில் ஸ்கேன் செய்தனர். அதில் தான் விவகாரமே தெரியவந்தது, அவரது வயிற்றில் பெண்களுக்கு இருக்கும் கர்ப்பப்பை மற்றும் கர்ப்பப்பை குழாய் ஆகியன இருந்துள்ளது. இதுதான் அவருக்கு விந்தில் உயிரணு இல்லாததற்கு காரணம் என கண்டறிந்த டாக்டர்கள் அதை ஆப்ரேஷன் மூலம் அகற்ற முடிவு செய்தனர்.

இதயடுத்து அவருக்கு மும்பை ஜேஜே மருத்துவமனையில் கர்ப்பப்பையை அகற்றும் ஆப்ரேஷன் நடந்தது. வெகு அரிதாக நடக்கும் இந்த பிரச்சனை இவருக்கு ஏற்பட்டுள்ளது. இனி விந்துவில் மெல்ல உயிரணுக்கள் உருவாகும். அதன் மூலம் அவருக்கு குழந்தை பாக்கியம் கிடைக்கும் என டாக்டர்கள் தெரிவித்தனர்.