2 Boiled Eggs -க்கு ரூ1700 பில்...! ; ஸ்டார் ஓட்டலா இருந்தாலும் ஒரு நியாயம் வேணாமா?

கடந்த சில தினங்களுக்கு முன்பு இந்தி நடிகர் ராகுல் போஸ் பஞ்சாப் மாநிலம் சண்டிகரில் தான் தங்கியிருந்த ஓட்டல் ஒன்றில் 2 வாழைப்பழத்திற்கு ரூ442 க்கு பில் போட்டதை வீடியோ எடுத்து வெளியிட்டிருந்தார்.

இந்த வீடியோ வைரலானதை தொடர்ந்து அந்த ஓட்டலுக்கு எதிராக கடுமையான விமர்சனங்கள் எழுந்தது. மேலும் வாழைப்பழத்திற்கு விதிகளை மீறி ஜிஎஸ்டி வசூலிக்கப்பட்டதால் அந்த ஓட்டலுக்கு கலால் மற்றம் வரிவிதிப்பு துறை அதிகாரிகள் ரூ25 ஆயிரம் அபராதம் விதித்தனர்.

Read More: இந்த கடையில் 1 இட்லி ஒரு ரூபாய் தான் என சொன்னால் நம்ப முடிகிறதா?

2 வாழைப்பழத்திகு ரூ 442 பில் போட்ட சம்பவமே இன்னும் பரவி வரும் நிலையில் மும்பையில் உள்ள ஒரு ஒட்டலில் 2 வேகவைத்த முட்டைக்கு ரூ1700 வசூலிக்கப்பட்ட பில் புகைப்படம் ஒன்று வைரலாகி வருகிறது.

மும்பையில் உள்ள ஃபோர் சீசன் என்ற ஓட்டலில் இருந்து வழங்கப்பட்ட இந்த பில்லில் 2 வேக வைத்த முட்டைக்கு ரூ1700, ஆம்லேட்டிற்கு ரூ850 வசூலித்துள்ளனர்.

Read More: தங்க கம்மலை விழுங்கிய கோழி; வளர்த்தவர் என்ன செய்தார் தெரியுமா?

இந்த ஓட்டல் மீதும் தற்போது கடுமையான எதிர்ப்பு கிளம்பியுள்ளது. பலர் இது குறித்து சமூகவலைதளங்களில் தங்களின் எதிர்ப்புகளையும், கண்டனங்களையும், விமர்சனங்களையும் செய்து வருகின்றனர்.