96 Movie: இசையமைப்பாளர் கோவிந்த் வசந்தாவை ஆண்மையில்லாதவர் என கூறினாரா இளையராஜா?

சமீபத்தில் வெளியாகி மிகப்பெரிய அளவில் வெற்றி பெற்ற படம் 96, விஜய் சேதுபதி, த்ரிஷா நடிப்பில் வெளியான இந்த திரைப்படத்தின் வெற்றிக்கு மிக முக்கியமான காரணமாக பார்க்கப்பட்டது அதன் இசை தான்.

இந்த திரைப்படத்தின் இசைபெரிய அளவில் ஹிட்டானது. இந்த திரைப்படத்திற்கான இசையை இசையமைப்பாளர் கோவிந்த் வசந்தா அமைத்திருந்தார்.

இந்த திரைப்படத்தில் வரும் கதாநாயகி கதாபாத்திரம் சிறு வயது முதலே பாடகி ஜானகியின் ரசிகையாக இருந்து வருவார். அவரது பாடல்களையே பாடி வருவார். கதாநாயகனுக்கு கதாநாயகி "யமுனை ஆற்றிலே" பாடலை பாடி கேட்க வேண்டும் என்ற ஆசை இருக்கும். ஒரு கட்டத்தில் அதை கதாநாயகி பாட கதாநாயகன் கேட்க என அருமையாக அந்த காட்சி வடிவமைக்கப்பட்டிருக்கும்.

இந்நிலையில் சமீபத்தில் யூடியூப் சேனல் ஒன்றிற்கு இசையமைப்பாளர் இளையராஜா பேட்டி கொடுத்திருந்தார். இந்த பேட்டியில் அவரிடம் 96 திரைப்படத்தில் அவர் இசையமைத்த பாடல்கள் இடம்பெற்றுள்ளதை குறிப்பிட்டு கேள்வி கேட்டபோது.
அவர்: " இது எல்லாம் தவறான செயல் என்றும். பழைய காலங்களில் உள்ள கதை என்பதாலேயே அந்த காலத்தில் வெளியான பாடல்களை பயன்படுத்த வேண்டும் என்பதில்லை. அந்த காலங்களில் வந்ததை போன்ற புதிய பாடல்களையும் உருவாக்கலாம். இவ்வாறு பழைய பாடல்களை பயன்படுத்துவது ஆண்மையில்லாத செயல் " என கூறினார்.

மேலும் அவர் ஒரு பழைய ஹிந்தி படத்தை குறிப்பிட்டு அதில் கூட பழைய காலத்தில் உள்ள கதையம்சம்தான் அதில் பழைய பாடல்கள் பயன்படுத்தப்படவில்லை. பழைய பாடல் எவ்வாறு இருந்ததோ அதே உணர்வை தரக்கூடிய புதிய பாடல்கள் உருவாக்கி பயன்படுத்தப்பட்டது என கூறினார். இந்த பேட்டி தற்போது பெரும் சர்ச்சையை ஏற்படுத்தியுள்ளது. இது குறித்து சமூகவலைதளங்களில் வந்த பதிவுகளை கீழே காணுங்கள்