லிஃப்டில் சிக்கிய நாயை காப்பாற்றிய இளைஞர்...! வைரலாகும் வீடியோ

அமெரிக்காவின் டெக்ஸாஸ் மாகாணத்தில் பதிவான ஒரு சிசிடிவி காட்சி சமூகவலைத்தளங்களில் வைரலாக பரவி வருகிறது.

இந்த காட்சியில் ஒரு பெண் தன் வளர்ப்பு நாயுடன் லிப்டில் ஏறுகிறார். அப்பொழுது அந்த பகுதி வழியாக ஒரு நபர் நடந்து வந்து கொண்டிருக்கிறார். அந்த பெண் லிஃப்டில் ஏறிய பின்பு நாய் லிஃப்டில் ஏறவில்லை அதை அந்த பெண் கவனிக்கவும் இல்லை.

நாயை அவர் சங்கிலியில் கட்டியிருந்த நிலையில் பாதி சங்கிலி லிஃப்டிற்குள்ளும் பாதி சங்கிலி லிஃப்டிற்குவ வெளியிலும் இருந்தது. சங்கிலி மிகச் சிறியதாக இருந்ததால் லிப்ட் சென்சார் அதை உணராமல் லிஃப்ட் கதவை மூடிவிட்டது.

இதை அந்த பெண் பார்க்காத நிலையில் லிஃப்ட் மேலே சென்றது. அதனால் நாயும் லிஃப்டிற்கு வெளியில் இருந்து சங்கிலியால் மேலே இழுத்து செல்லப்பட்டது.

Also Read: மாயமான மலேசிய விமானம் MH370 குறித்து வெளியான புதிய புகைப்படத்தால் மீண்டும் பரபரப்பு...! விமானத்தில் பயணித்தவர்கள் உயிருடன் இருக்க வாய்ப்பு?

இதைப் பார்த்ததும் அந்த பகுதியில் நடந்துவந்து கொண்டிருந்தவர் துரிதமாகச் செயல்பட்டு அந்த நாயைச் சங்கிலியிலிருந்து காப்பாற்றினார். இந்த வீடியோ சமூகவலைத்தளங்களில் வைரலாக பரவி வருகிறது. பலர் இந்த வீடியோவை பகிர்ந்து அந்த நாயைக் காப்பாற்றிய இளைஞரைப் பாராட்டி வருகின்றனர்.


என்.பி.சி டிவியில் நாயைக் காப்பாற்றிய இளைஞரின் பெயர் மதிஸ் எனக் குறிப்பிட்டு அவரிடம் பேட்டியெடுத்துள்ளனர். இந்த வீடியோவை பலர் பகிர்ந்து வருகின்றனர் நீங்கள் இந்த வீடியோ குறித்த உங்கள் கருத்துக்களை கமெண்டில் தெரிவியுங்கள்.


Also Read : வெங்காய விலையால் கடனாளியாக இருந்த விவசாயி ஒரே நாளில் கோடீஸ்வரனாக மாறினார்...! நடந்த அதிசயத்தை இங்கே படியுங்கள்