Giraffe Viral Video சிங்கங்களிடம் இருந்து குட்டியைக் காக்க வீரமுடன் போராடிய தாய் ஒட்டகச்சிவிங்கி

யாருக்கு தான் பிடிக்காது அம்மான்னா, காக்காவுக்கு கூட தான் பிடிக்கும். ஒரு விழா மேடையில் அம்மா பற்றி பேசும் போது நடிகர் தனுஷ் இவ்வாறு குறிப்பிட்டிருந்தார். ஆம், அம்மாவை யாருக்கு தான் பிடிக்காது?. அப்பா - அம்மா இருவருக்கும் நமது உயிர், உடலில் பங்கிருக்க, பிள்ளைகளாகிய நாம் அம்மாவுடன் மட்டும் அதிகம் ஒட்டி உறவாட காரணம் என்ன?

என்ன தான் அப்பா சம்பாதித்த பணமாக இருந்தாலும், நமக்கு காய்ச்சல் என்றால் அருகில் இருந்து மருந்து தருவது, உணவு ஊட்டுவது அம்மா. நாம் தோல்வி அடையும் போது, மனமுடைந்து போகும் போது, நமக்கு ஊக்கம் அளிப்பவர் அம்மா. நீ அழகு டா என்று நம்மை நமக்கே ஹீரோவாக முதன் முதலில் அறிமுகம் செய்து வைப்பவர் அம்மா.

நம் உடலுக்கோ, உயிருக்கோ ஆபத்தென்றால், தன் உயிரை பணயம் வைத்து காக்க போராடுபவர் அம்மா. மனிதர் இடையே மட்டுமல்ல, உலகில் உள்ள அணைத்து உயிரினங்களும் மத்தியிலும் அம்மா எப்போதும் தெய்வம் தான். அதற்கு மற்றுமொரு எடுத்துக்காட்டாக விளங்குகிறது ட்வீட்டரில் தற்சமயம் வைரலாகி வரும் இந்த வீடியோ.

ட்விட்டர் வீடியோ

சிங்கங்கள் தனது குட்டியை வேட்டையாடி ருசித்துவிட கூட்டமாக வரும் போது, அவற்றை எதிர்த்து நின்று, குட்டியை காப்பாற்றுகிறது அம்மா ஒட்டகச்சிவிங்கி .