விரக்தியடைந்த யூடியூபர் ரூ.2.4 கோடி மதிப்பிலான மெர்சிடிஸ் காரை கொளுத்திய வைரல் வீடியோ!

ரஷ்யாவை சேர்ந்த யூடியூபர் மிகாயில் லிட்வின், இவரை மிஷா என்று பிரபலமாக அழைக்கின்றனர். இவர் தனது சொகுசு காரான Mercedes-AMG GT 63 S'னை தீயிட்டு கொளுத்தி அந்த வீடியோவை தனது சேனலில் பதிவிட்டுள்ளார்.
இந்திய பண மதிப்பில் இதன் விலை ரூ.2.4 கோடியாகும். அந்த கார் தயாரிப்பு கம்பெனி மீது விரக்தி அடைந்த காரணத்தால் இப்படியான செயலில் ஈடுபட்டதாக அவர் குறிப்பிட்டுள்ளார். தற்சமயம் ரஷ்யா ரூபாய் மதிப்பில் அந்த காரின் விலை, 12,720,000 என்று அறியப்படுகிறது.

காலி நிலம் ஒன்றில் தனது காரினை நிறுத்தி தீமூட்டி அதை வீடியோ எடுத்து பதிவிட்டிருந்தார் மிஷா. கார் நிறுவனத்துடன் ஏற்பட்ட விரக்தி காரணமாக, தீயிட்டு கொளுத்த முடிவு செய்தேன். இதில் எனக்கு மகிழ்ச்சியில்லை, என்று குறிப்பிட்டிருந்தார்.

நடந்தது என்ன?

இவரது Mercedes-AMG GT 63 S கார், நிறைய முறை பிரேக்-டவுன் ஆனதாம். 2019ம் ஆண்டு இந்த காரை இவர் வாங்கியிருக்கிறார். இந்த காரை வாங்கிய இடத்திற்குக்கே 5 முறை காரை அனுப்பியிருக்கிறார். ஆனால், ஒவ்வொரு முறை ரிப்பேர் செய்து திரும்பி வந்த போதிலும், மிஷா எதிர்பார்த்த அளவு கார் பார்பார்ம் செய்யவிலையாம்.

40 நாட்களுக்கு மேல் வர்க் ஷாப்பில் இருந்து திரும்பிய போதிலும் கார் சரியாக வேலை செய்யவில்லை. ஜெர்மனியில் இருந்து சில கார் பாகங்களை புதியதாகவும் வாங்கி மாற்றியுள்ளார். அப்படி இருந்தும், கார் மீண்டும் பிரேக்-டவுன் ஆனதால் விரக்தி அடைந்து, தனது காரை கொளுத்திவிட்டார்.

இந்த வீடியோ யூடியூபில் 11 மில்லியன் பார்வைகள் பெற்றுள்ளன. கமெண்ட் செக்ஷனில் தங்களது ஆதங்கத்தை நெட்டிசன்கள் பதிவிட்டுள்ளனர்.