அபரிவிதமாக வளரும் பெண்ணின் மார்பகம் ; காரணம் தெரியாமல் திணறும் டாக்டர்கள்

தாய்லாந்து நாட்டை சேர்ந்த 46 வயது பெண் லாம் பிரிஸ்ஸி இவர் நியூவான் பிட்சான்லாக் என்ற கிராமத்தில் வசித்து வருகிறார். இவருக்கு கடந்த 9 மாதங்களாக மார்பகம் அபரிவிதமாக வளர்ச்சியடைந்து வருகிறது. தற்போது மார்பகம் பெரியதாக வளர்ந்து அதிக எடையுடன் இருப்பதால் அவரால் தற்போது நிற்க கூட முடியாமல் கம்பை ஊன்றி நடந்து கொண்டிருக்கிறார். இவரின் மார்பக வளர்ச்சிக்கான காரணம் டாக்டர்களுக்கும் தெரியவில்லை.

இது குறித்து லாம் கூறும் போது :"இந்த பிரச்சனைக்காக நான் பல முறை டாக்டர்களை அணுகிவிட்டேன். அவர்கள் ஏதேனும் கட்டியிருக்கிறதா அல்லது கேன்சர் இருக்கிறதா என பார்த்தார்கள் அப்படி எதுவும் இல்லை என பரிசோதனையில் முடிவானது. இந்த வளர்ச்சிக்கான டாக்டர்களுக்கே தெரியவில்லை.

என்னிடம் அதிகமாக பணமும் இல்லை, அதனால் வெளிநாடுகளுக்கு சென்று இந்த பிரச்சனைக்கு மருத்துவம் பார்க்க முடியாது. சுமார் 9 மாதங்களாக தான் எனக்கு இந்த பிரச்னை ஏற்பட்டுள்ளது. இந்த மார்பக வளர்ச்சியினால் எனக்கு கழுத்து மற்றும் முதுகு பகுதியிலும் பெரும் வலி ஏற்படுகிறது. தற்போது என்னால் சாதாரனமாக நடக்கவே முடியவில்லை" என கூறினார்.

இது குறித்து டாக்டர்கள் கூறும் போது: "அவருக்கு மார்பகத்தில் எந்த விதமான பிரச்னையும் இல்லை. இருந்தாலும் மார்பகம் ஏன் இப்படி வளர்கிறது என்பது எங்களுக்கு தெரியவில்லை. இதற்கு ஒரே தீர்வு அறுவை சிகிச்சை செய்து மார்பகத்தை அப்புறப்படுத்துவது மட்டுமே. அப்படி செய்வதன் மூலம் இவருக்கு இந்த பிரச்சனையில் இருந்து தீர்வு கிடைக்கலாம். " என கூறினார்.

தற்போது லாம் தன்னிடம் அறுவை சிகிச்சை செய்து மார்கபத்தை அகற்ற பண வசதியில்லாததால் பொதுமக்களிடம் தனக்கு உதவி செய்யும்படி கேட்டு வருகிறார். திடீரென ஒரு பெண்ணின் மார்பகம் பெரிய அளவில் எந்த வித காரணமும் இன்றி வளர்ச்சியடைந்து வரும் தகவல் பெரும் வைரலாக பரவி வருகிறது.