மே.வங்கத்தில் 2-ஆம் கட்ட தேர்தல்: தொடங்கியது வாக்குப்பதிவு

கொல்கத்தா: மேற்குவங்க மாநில சட்டப்பேரவைக்கான இரண்டாம் கட்ட தேர்தல் இன்று காலை தொடங்கியது.

மொத்தம் 294 தொகுதிகளைக் கொண்ட மேற்குவங்க மாநில சட்டப்பேரவைக்கு மொத்தம் 6 கட்டங்களாக தேர்தல் நடைபெறும் என தேர்தல் ஆணையம் தெரிவித்திருந்தது.

அதன் படி, முதல் கட்ட தேர்தல் கடந்த 4, 11 ஆகிய தேதிகளில் இரண்டு பிரிவாக நடைபெற்றது. இதையடுத்து, இரண்டாம் கட்டத் தேர்தல் இன்று நடக்கிறது.

இரண்டாம் கட்ட தேர்தல், மொத்தம் 56 தொகுதிகளுக்கு நடைபெற்று வருகிறது. இதற்காக 13,609 வாக்குச்சாவடிகள் அமைக்கப்பட்டுள்ளன. அதில், பதற்றமான வாக்குசாவடிகளாக 2,909 வாக்குசாவடிகள் கண்டறியப்பட்டு அப்பகுதிகில் கூடுதல் துணை ராணுவப்படையினர் பாதுகாப்பு பணியில் ஈடுபடுத்தப்பட்டுள்ளனர்.