தொல். திருமாவளவனை தோற்கடித்ததே அதிமுகவின் வரலாற்று சாதனை: நாஞ்சில் சம்பத்

காட்டுமன்னார்கோயிலில் விடுதலை சிறுத்தைகள் கட்சித் தலைவர் தொல். திருமாவளவனை 87 வாக்குகள் வித்தியாசத்தில் தோற்கடித்ததே அதிமுகவுக்கு கிடைத்த பெரிய சாதனை என்று நாஞ்சில் சம்பத் கூறினார்.

தமிழக தேர்தல் குறித்து தனியார் தொலைக்காட்சி ஒன்று நாஞ்சில் சம்பத் உள்பட பல்வேறு தலைவர்களிடம் நேர்காணல் கண்டது. அப்போது நாஞ்சில் சம்பத் இவ்வாறு கூறினார்.

காட்டுமன்னார் கோயிலில் திருமாவளவனை எதிர்த்து அதிமுக சார்பில் போட்டியிட்ட முருகுமாறன் 48,450 வாக்குகள் பெற்று வெற்றி பெற்றார். விடுதலை சிறுத்தைகள் கட்சித் தலைவர் தொல் திருமாவளவன் 87 வாக்குகள் வித்தியாசத்தில் தோல்வி அடைந்தார். இவரை எதிர்த்து போட்டியிட்ட சுயேட்சை வேட்பாளரின் பெயரும் திருமாவளவன்தான். இவருக்கு விழுந்த வாக்குகள் 289. இவர்தான் தொல்.திருமாவளவனின் வெற்றியை பறித்து விட்டதாகக் கூறப்படுகிறது.