ஆகஸ்ட் மாதம் விற்பனைக்கு வருகிறது சியோமி எம்.ஐ. 5X ஸ்மார்ட்போன்

சியோமி நிறுவனத்தின் எம்.ஐ. 5X ஸ்மார்ட்போன் அறிமுகம் செய்யப்பட்டுள்ளது. புத்தம் புதிய MIUI 9 சார்ந்த ஆண்டிராய்டு நௌக்கட் இயங்குதளம் கொண்டு இயங்கும் ஸ்மார்ட்போனின் சிறப்பம்சங்களும் வெளியிடப்பட்டுள்ளன.
இளைஞா்கள் மத்தியில் அதிகம் எதிர்பார்க்கப்பட்ட எம்.ஐ. 5X ஸ்மார்ட்போன் அறிமுகம் செய்யப்பட்டுள்ளது. புதிய MIUI 9 சார்ந்த ஆண்ட்ராய்டு 7.0 நௌக்கட் இயங்குதளம் கொண்டு இயங்குகிறது. இரண்டு கேமரா கொண்டுள்ள எம்.ஐ. 5X ஆக்டா-கோர் ஸ்னாப்டிராகன் 625 சிப்செட் மற்றும் மேம்படுத்தப்பட்ட ஆடியோ தரம் கொண்டுள்ளது.
மெட்டல் யுனிபாடி வடிவமைப்பு மற்றும் வளைந்த எட்ஜஸ்(முனைகள்) மற்றும் கைரேகை ஸ்கேனர் உள்ளிட்டவை இந்த போனின் கூடுதல் சிறப்புகளாக பாா்க்கப்படுகிறது. புதிய எம்.ஐ. 5X மூன்று நிறங்களில் வெளியிடப்பட்டுள்ளது.
சியோமி எம்.ஐ. 5X:
* 5.5 இன்ச் ஃபுல்-எச்டி 1080×1920 பிக்சல் LTPS திரை
* ஆண்டிராய்டு 7.0 இயங்குதளம்
* 2.0 ஜிகாஹெர்ட்ஸ் 64-பிட் ஆக்டா-கோர் ஸ்னாப்டிராகன் 625 சிப்செட்
* 4 ஜிபி ரேம்
* 64 ஜிபி இன்டெர்னல் மெமரி
* 12 எம்பி டூயல் கேமரா
* 5 எம்பி செல்ஃபி கேமரா
* 4ஜி வோல்ட், வைபை, ப்ளூடூத்
* 3080 எம்ஏஎச் பேட்டரி
புதிய எம்.ஐ. 5X ஸ்மார்ட்போன் ஆகஸ்ட் மாதம் 1-ம் தேதி முதல் விற்பனைக்கு வருகிறது. இதற்கான முன்பதிவுகள் ஏற்கனவே துவங்கிவ விட்டன. சீனாவில் இதன் விலை CNY 1,499 அதாவது இந்திய மதிப்பில் ரூ.14,200 என நிர்ணயம் செய்யப்பட்டுள்ளது.


Xiaomi for sale in August MI 5X smartphone